Prodúser Instagram jelisindegi jazbasynda jaman ult joq ekenin jazǵan.
– Kóbimiz úshin eń yńǵaıly pozısıa – jáı ǵana úndemeý, ol alysta, bizge qatysy bar, biraq biz onda emespiz... Biz sonda boldyq, bola beremiz de. Bizdiń zamanymyz – qatygezdik, jek kórýshilik, shydamsyzdyq, bul tipti basqa ulttarǵa emes, bir-birine degen sezim. 11 adam qaza tapty, olar jol apatynan qaza bolǵan joq, besinshi qabattan qulap ketken joq, olardy qatygezdikpen óltirip, úılerin órtep jiberdi. Qazir ultaralyq qaqtyǵysty kim bastaǵanyn anyqtaı almaısyń, jyldar boıy bizdiń el bári úshin jumaq, eń tolerantty memleket ekenimizdi aıtyp keledi. Bul sandyraq, biz kóp jaǵdaıda jekkóremiz, shydamaımyz jáne ár yńǵaıly jaǵdaıda kimniń qojaıyn ekenin aıtyp qalýǵa tyrysamyz. Uly Abaı qalaı durys aıtqan, sodan beri eshteńe ózgermedi ǵoı?! – deıdi ol.
Sonymen qatar, ol qoǵamda adamı qundylyqtar umytylǵanyn aıtty.
– Úndister, qytaılar, dúngender, armándar, túrikter, kelesi kim? Biz qarapaıym adamı qundylyqtar, meıirimdilik, ar-namys, qadir-qasıet degendi baıaǵyda umytqanbyz. Keýdemizdi uryp, patrıotpyz deımiz. Patrıot – ózgelerdi jekkóretinder emes, óz ultyn súıetinder. Búginde jalǵan patrıot óte kóp, olar óz aýmaǵyna kelgenderdiń bárin Otan úshin dep óltirýge daıyn. Bul qorqynyshty. Bul postpen jaman ult joq ekenin, ultqa qatysy joq, qudaısyz adamdar bar ekenin aıtqym keledi, – dedi Baıan Maqsatqyzy.
