بايان كٷيەۋٸن نەلٸكتەن كەشٸرگەنٸن ايتتى
“مەن ونى كەشٸردٸم, بۇل مەنٸڭ شەشٸمٸم. مەن بۇل بەتتٸ پاراقتاپ بولدىم, ٶمٸرٸم ەرٸ قاراي جالعاسادى. مەنٸڭ بالالارىمنىڭ ەكەسٸ بار, ال ٶزٸم ٶز باقىتىمدى ٸزدەيمٸن…”, – دەپ جازدى پروديۋسەر ينستاگرامداعى پاراقشاسىندا.
ەسكە سالا كەتسەك, پروديۋسەردٸڭ كەشٸرٸم بەرگەندٸگٸن ونىڭ ادۆوكاتى مارات اسقاربەكوۆ بٷگٸن سوتتا جارييا ەتتٸ.
“بايان كٷيەۋٸنە كەشٸرٸم بەردٸ, ول دۇرىس جاسادى دەپ ويلايمىن. ونداي شەشٸمدٸ كەز-كەلگەن ەيەل قابىلداي بەرمەيدٸ. بۇل وعان وڭايعا تٷسكەن جوق, سٸرە بالالارىنىڭ تاعدىرىن ويلاسا كەرەك”, – دەدٸ تالدىقورعاندا ٶتكەن سوت وتىرىسىنىڭ قورىتىندىسى بويىنشا سٶز العان ادۆوكات.
بايان ماقساتقىزىنىڭ ٶزٸ سوتتا بٷگٸن كەلگەن جوق. سوت وتىرىسى ەرتەڭ, 20 قازاندا جالعاسادى. كەشەگٸ سوتتا ونى قىزى ايسەۋلە مەن ەپكەسٸ باعىم مۇحيتدەنوۆا قولدادى. ال باقىتبەك ەسەنتاەۆ ادام ٶلتٸرۋگە ەرەكەتتەنۋ, جىنىستىق مەندەگٸ زورلىق كٶرسەتۋ باپتارى بويىنشا ايىپتالىپ وتىر.
