بايان ەسەنتاەۆا مەن نۇرتاس ادامباەۆتى تەست سۇراقتارىنا ەنگٸزگەن مامان جۇمىسىنان الاستاتىلدى
– تەستولوگ مامان بەلگٸلٸ رەجيسەر ەرمەك تۇرسىنوۆتىڭ سۇحباتىن پايدالانىپ, وقۋشىلاردىڭ بٸلٸمٸن تەكسەرۋ ٷشٸن ۇبت سۇارقتارىنا شوۋ-بيزنەس ٶكٸلدەرٸنە قاتىستى سۇراقتار ەنگٸزٸپ جٸبەرگەن. بٷگٸندە ول تەست سۇراقتارىن دايىنداۋشىلاردىڭ قاتارىنان شىعارىلىپ, قاتاڭ ەسكەرتۋ جاسالىندى, – دەپ ەرلان ساعاديەۆ بۇل مەسەلەنٸ بٸر جاقتى ەتكەنٸن رەسمي تٷردە مەلٸمدەدٸ.
كەزٸندە تەست سۇراقتارىن قۇراستىرۋشىلار وقۋشىلار قازٸرگٸ ٶمٸرٸمٸزدەگٸ تانىمال تۇلعالاردى بٸلۋ كەرەك بولعان سوڭ, شوۋ-بيزنەس ٶكٸلدەرٸن ۇبت سۇراقتارىنا ەنگٸزگەندەرٸن ايتقانى ەسٸمٸزدە. سول كەزدە تەست سۇراقتارى كٸم كٶرٸنگەننٸڭ ويىنا كەلگەنٸن ەنگٸزٸپ, جازا بەرەتٸن «تٸلەك دەپتەرٸ» مە دەپ قالعان ەدٸك.
ەندٸ ساعاديەۆتىڭ ٶزٸ مۇنى تەست قۇراستىرۋشىلار تاراپىنان جٸبەرٸلگەن ٷلكەن قاتەلٸك ەكەنٸن مويىنداپ, مەكتەپ بٸتٸرۋشٸلەردٸڭ تانىم كٶكجيەگٸن كەڭەيتۋگە ۇمتىلعان سابازدى تەست سۇراقتارىن دايىنداۋ ٸسٸنەن شەتتەتتٸ.
ەرەكەڭ ەيتەۋٸر اراعا بٸرنەشە اي سالىپ بولسا دا بۇل مەسەلەنٸ حالىقتىڭ پايداسىنا شەشكەندەي بولدى. و باستاق بۇل مەسەلەنٸ ىڭ-شىڭسىز شەشە سالسا بولار ەدٸ. شاماسى ەرلان ساعادەيۆ دەپۋتاتتاردىڭ ٶزٸنە توپ بولىپ حات جازعانىن كٷتسە كەرەك. بولماسا وقۋ جىلىنىڭ اياقتالعانىن كٷتتٸ مە? ٶكٸنٸشكە وراي, بٸزگە بۇل جاعى تٷسٸنٸكسٸز. بٸلەتٸمٸز بٸزدٸڭ شەندٸلەر حالىقتىڭ وي-پٸكٸرٸنە دەل ۋاقىتىندا نازارعا الىپ, ەرەكەت ەتپەيدٸ. مٸندەتتٸ تٷردە ولارعا بٸرەۋ ايتىپ, كٶزدەرٸنە شۇقىپ كٶرسەتۋٸ كەرەك.
دەپۋتاتتار مينيسترگە جولداعان ٷشبۋ حاتتارىندا الداعى ۋاقىتتا ۇبت سۇراقتارىن قوعام الدىندا تالقىلاۋ مەسەلەسٸن دە كٶتەرگەن-دٸ. بٸراق مينيستر ۇبت سۇراقتارى مەملەكەتتٸك قۇپييالاردىڭ قاتارىنا جاتاتىندىقتان, سۇراقتاردىڭ كٶپشٸلٸكتٸڭ الدىندا تالقىلاۋعا جاتپايتىنىن العا تارتتى.
قالاي دەسەكتە «مىقتى بولساڭدار مەن سيياقتى تەست سۇراقتارىنا ەنٸپ كٶرٸڭدەر» دەپ كەۋدەسٸن كەرگەن بايان ماقساتقىزىنا وبال بولدى. بايان حانىم ٶز ەسٸمٸ تەست سۇراقتارىنان ەنگەندە ٶزٸن ەل ٷشٸن جارعاق قۇلاعى جاستىققا تيمەي ەڭبەك ەتٸپ جٷرگەن ادامداي سەزٸنگەن ەدٸ. ەندٸ نە ٸستەر ەكەن?
ن.ەۋبەكٸر.
