كٷيەۋٸ باقىتبەك ەسەنتاەۆتان وڭباي تاياق جەگەن پروديۋسەر وسىلايشا ەل كٶزٸنە كٶرٸندٸ.
ٶز سٶزٸندە ەسەنتاەۆا ەيەلدەردٸ تۇرمىستاعى زورلىق-زومبىلىقتان قورعايتىن ۇيىم قۇرعىسى كەلەتٸنٸن ايتتى.
[caption id="attachment_19728" align="aligncenter" width="801"]
«ٶزٸمنٸڭ باسىمنان ٶتكەن جاعدايدى بٷكٸل ەلگە ايتۋعا مەجبٷرمٸن. سەبەبٸ, كٶپتەگەن ەيەلدەر قاۋىمى وسىنداي قورقىنىش پەن ٷرەيدە ٶمٸر سٷرەدٸ. ولاردى ٶز كٷيەۋٸنەن ەشكٸم قورعامايدى. سەبەبٸ, زاڭ بٸلمەيدٸ. مەن دەل وسىنداي جاعدايدى باسىمنان ٶتكەردٸم. وسى سەبەپتٸ دە ەيەلدەردٸ تۇرمىستاعى زورلىق-زومبىلىقتان قورعايتىن ۇيىم قۇرماق ويىم بار. جاقىن ادامىڭنان جاپا شەگۋدٸڭ قانداي بولاتىنىن ٶز باسىم جاقسى بٸلەمٸن» دەيدٸ بايان.
«مەن كٷيەۋٸمنەن وڭباي تاياق جەدٸم. الايدا ەيەلدەر قۇقىعىن قورعايتىن ەشبٸر ۇيىم ماعان حابارلاسقان جوق. حالٸمدٸ دە, جاعدايىمدى دا سۇرامادى. بٸزدە مۇنداي ەيەلدەر قاۋىمداستىقتارى جۇمىس ٸستەيدٸ. الايدا ەندٸگٸ جەردە ناقتى ٸسپەن اينالىساتىن, ەيەلدەردٸڭ قۇقىعىن سٶز جٷزٸندە ەمەس, ٸس جٷزٸندە قورعايتىن ۇيىم قۇرۋ قاجەت» دەيدٸ پروديۋسەر.
باياننىڭ ايتۋىنشا, تۇرمىستاعى زورلىق-زومبىلىقپەن رەسمي تٷردە كٷرەسۋ كەرەك. ەيەلدەر ٶز قۇقىعىن بٸلۋٸ تيٸس.
«مەن كٷيەۋٸمدٸ جاقسى كٶرگەن جوقپىن. تەك ۋاقىت وزعان سايىن ٷيرەنٸپ كەتتٸم. بٸراق سوڭعى ەكٸ جىل ادام تٶزگٸسٸز بولدى. سوندىقتان دا سوڭعى كەزدەرٸ اجىراسۋ تۋرالى ويلانا باستادىم. الايدا كٷيەۋٸم «اجىراسار بولساڭ, ٶلتٸرٸپ تاستايمىن» دەپ قورقىتتى.
https://www.youtube.com/watch?v=A4BCeM5fp0w
ەرٸ قاراي بايان ەسەنتاەۆا كٷيەۋٸمەن اراداعى جانجالدىڭ قالاي بولعانىن, نەدەن تۋىنداعانىن ايتىپ بەرٸپتٸ.
«10 ماۋسىم بولاتىن. مەن ٷيگە قايتىپ كەلە جاتتىم. نەگٸزٸندە بۇدان بۇرىن, 5 ماۋسىم كٷنٸ جانجالداسىپ قالعانبىز. مەن ٷيگە دەل وسى 5 ماۋسىمدا ورالۋعا تيٸس بولعانمىن. الايدا 5 كٷنگە كەشٸگٸپ قالدىم. كٷيەۋٸم تاراپىنان قورقىتۋ مەن ٷركٸتۋ كٶبەيٸپ كەتكەسٸن بٸرنەشە كٷن ايالداي تۇرايىن دەپ شەشتٸم. سەل ساباسىنا تٷسەر دەگەن ٷمٸتٸم بولعان.
مەن ەدەيٸ شەتەلدٸك رەيسپەن كەلدٸم. ول بٸلمەي قالادى دەپ ويلادىم. ۇشاقتان تٷسٸپ, تاكسيگە وتىرعانىم سول قايدان كەلگەنٸ بەلگٸسٸز ەسٸكتٸ جۇلقىپ اشقان كٷيەۋٸم جانىما جايعاسىپ الدى. مەن مۇنى كٷتپەگەن ەدٸم. ونىڭ قولىنان پىشاقتى بايقاپ قالدىم.
ويلانىپ ٷلگەرگەنشە بولعان جوق پىشاقتى سۇعىپ الدى. تٷرٸندە اياۋشىلىق سەزٸلگەن جوق. العاشقىدا مەن دە اۋىرسىنبادىم. «شوك» جاعدايىندا بولعان شىعارمىن. ەلدەقانداي سۇمدىقتىڭ بولعانىن ٸشٸم سەزدٸ. بٸراق, بٸردەن ٶز-ٶزٸمدٸ قولعا الدىم. ايعايلاسام, دابىرا كٶتەرسەم تٷك ٶنبەسٸن بٸلدٸم…تاكسي جٷرگٸزۋشٸسٸنەن كٶمەكتەسۋٸن سۇرادىم.
سول سەتتە-اق كٷيەۋٸم مەنٸ سوققىنىڭ استىنا الدى. كٶزٸم تۇماندانىپ كەتتٸ. سودان كەيٸن ول تاكسيستكە توقتاۋدى بۇيىردى. مەن كٶلٸكتەن شىقتىم. ايعايلاعاننان پايدا جوق ەدٸ. قانشا جەردەن تابىستى, تانىمال ەيەل بولساڭ دا ەركەككە قارسى ەشتەڭە ٸستەي المايسىڭ.
سودان كەيٸن ول مەنٸ باسقا كٶلٸككە وتىرعىزدى. سٶيتسەم بۇل كٶلٸك مەنٸڭ تاكسيگە وتىرعاننان كەزدەن-اق ارتىمىزدان اڭدىپ وتىرىپتى. رٶلدە كٷيەۋٸمنٸڭ جيەنٸ وتىر ەكەن.
ەرٸ قاراي بٸر سۇمدىق باستالدى. كٷيەۋٸمنٸڭ قىر-سىرىن بٸلسەم دە, ونى مۇنشالىقتى اياۋسىز دەپ ويلاماعان ەدٸم. سوندا دا ٷندەگەن جوقپىن. ايعايلاعاننان, كٶمەك سۇراعاننان نەتيجە شىقپاسى بەلگٸلٸ ەدٸ.
ول مەنٸ ەكٸ ساعات بويى ۇردى. بەت-اۋزىم قانعا بٶگٸپ كەتتٸ. تٸسٸمدٸ, مۇرنىمدى سىندىردى. ەرنٸمدٸ جىردى. بەتٸمدٸ تٸلدٸ. قاتتى قينالدىم. «بالالاردى ويلاساڭشى…» دەي بەرگەنٸمدە ول مەنٸ تاعى دا تٶپەلەي جٶنەلدٸ.
سول وقيعادان بەرٸ ٷش اي ٶتتٸ. الايدا سالدارى ەلٸ كەتكەن جوق. ەكٸنشٸ دەرەجەلٸ كونتۋزييا الدىم. سول كٶزٸم دۇرىس كٶرمەيدٸ» دەدٸ بايان ەسەنتاەۆا.
