Zhuldyz.tv ارناسىنا بەرگەن سۇحباتىندا بەسپايەۆ ەسەنتايەۆا سياقتىلاردىڭ كىتابىن وقىپ قۇر بوسقا ۋاقىتىن شىعىنداعىسى كەلمەيتىنىن ايتقان.
مەيرامبەكتىڭ ايتۋىنشا
بايان ەسەنتايەۆا، دينارا ءساتجان سياقتى شوۋ-بيزنەستەگى ايەلدەر تۇتاستاي العاندا قازاق قىزدارىنا ۇلكەن ىقپال جاساپ وتىر. ءانشى مۇنداي ايەلدەردىڭ كوپ ارەكەتىن قۇپتامايتىنىن، ءارى وسىلارعا ەلىكتەگەن قازاق قىزدارى ءۇشىن قاتتى الاڭدايتىنىن تىلگە تيەك ەتىپتى.
“شىنىمدى ايتايىن، ومىردە ايەل ادامداردىڭ كىتابىن وقي المايتىن شىعارمىن. ويتكەنى، بىرەۋدىڭ ومىرىنە ارالاسقىم كەلمەيدى. “شىن مانىندە مىناداي بولعان ەكەن عوي” دەگەن سياقتى وسەك ءسوز تاسىعىم كەلمەيدى. راس، قىز بالالاردىڭ ىشىندە اقىنداردىڭ كىتابىن وقيتىن ەدىم بۇرىنىراقتا. ايتالىق، پوەزيادان فاريزا اپايىمىزدى وقيتىنمىن. الايدا بىرگە ءومىر ءسۇرىپ كەلە جاتقان زامانداستىرىمىزدىڭ ىشكى دۇنيەسىن بىلگىم كەلمەيدى. بۇگىنگى كۇنى ءقازىر ەل اۋزىنان تۇسپەيتىن بىر-ەكى قىزعا بۇكىل قاراكوزدەرىمىز ۇرىنىپ، سولار سەكىلدى بولعىلارى كەلىپ ءجۇر.
ماسەلەن، دينارا ءساتجان، بايان ەسەنتايەۆا سياقتىلار قىزدارىمىزدى تاربيەلەپ جاتىر. بۇل نارسەنىڭ سوڭى جاقسىلىققا اكەلىپ سوقتىرا ما، جاماندىققا اكەلىپ سوقتىرا ما بىلمەيمىن. ءبىراق، قاراكوزدەرىمىزدىڭ سولارعا ەلىكتەپ جاتقاندارى راس.
جالاڭاش دەنەسىن كورسەتۋدى ۇيات ەمەس دەگەن كەلتىرۋ دۇرىس ەمەس. كەي جەردە ادەپتى اتتاپ ءوتىپ جاتىر. مۇنى سانگە اينالدىرعاندارى مەنى كەيدە قىنجىلتادى. مەن ونداي ادامداردىڭ كىتابىن وقىمايمىن، ۋاقىتىمدى بوس كەتىرگىم كەلمەيدى
– دەگەن ەكەن مەيرامبەك بەسپايەۆ.
https://dalanews.kz/23329
