Zhuldyz.tv arnasyna bergen suhbatynda Bespaev Esentaeva sıaqtylardyń kitabyn oqyp qur bosqa ýaqytyn shyǵyndaǵysy kelmeıtinin aıtqan.
Meırambektiń aıtýynsha
Baıan Esentaeva, Dınara Sátjan sıaqty shoý-bıznestegi áıelder tutastaı alǵanda qazaq qyzdaryna úlken yqpal jasap otyr. Ánshi mundaı áıelderdiń kóp áreketin quptamaıtynyn, ári osylarǵa eliktegen qazaq qyzdary úshin qatty alańdaıtynyn tilge tıek etipti.
“Shynymdy aıtaıyn, ómirde áıel adamdardyń kitabyn oqı almaıtyn shyǵarmyn. Óıtkeni, bireýdiń ómirine aralasqym kelmeıdi. “Shyn máninde mynadaı bolǵan eken ǵoı” degen sıaqty ósek sóz tasyǵym kelmeıdi. Ras, qyz balalardyń ishinde aqyndardyń kitabyn oqıtyn edim burynyraqta. Aıtalyq, poezıadan Farıza apaıymyzdy oqıtynmyn. Alaıda birge ómir súrip kele jatqan zamandastyrymyzdyń ishki dúnıesin bilgim kelmeıdi. Búgingi kúni qazir el aýzynan túspeıtin bir-eki qyzǵa búkil qarakózderimiz urynyp, solar sekildi bolǵylary kelip júr.
Máselen, Dınara Sátjan, Baıan Esentaeva sıaqtylar qyzdarymyzdy tárbıelep jatyr. Bul nárseniń sońy jaqsylyqqa ákelip soqtyra ma, jamandyqqa ákelip soqtyra ma bilmeımin. Biraq, qarakózderimizdiń solarǵa eliktep jatqandary ras.
Jalańash denesin kórsetýdi uıat emes degen keltirý durys emes. Keı jerde ádepti attap ótip jatyr. Muny sánge aınaldyrǵandary meni keıde qynjyltady. Men ondaı adamdardyń kitabyn oqymaımyn, ýaqytymdy bos ketirgim kelmeıdi
– degen eken Meırambek Bespaev.
https://dalanews.kz/23329
