بۇگىندە «Nur Otan» پارتياسى ءتوراعاسىنىڭ الەۋمەتتىك جەلىدەن پاراقشا اشۋى تاڭسىق دۇنيە ەمەس. مەنىڭ اۋىلداعى شەشەم سوڭعى تورت-بەس جىلدا الەۋمەتتىك جەلىگە تىركەلىپ، ەلىمىزدەگى سوڭعى جاڭالىقتاردى قالادا جۇرگەن بىزدەن بۇرىن ءبىلىپ وتىراتىن بولعان.
بۇعان دەيىن دە «Nur Otan» پارتياسىن باسقارىپ، الماتى قالاسى اكىمى قىزمەتىن اتقارعان باۋىرجان بايبەكتىڭ Facebook-كە ەندى تىركەلىپ جاتقانىن العاشقىدا سەنە المادىق. ءبىراق، اتا-بالالارىمىز «ەشتەن كەش جاقسى» دەگەن عوي.
ويتكەنى ءقازىر حالىق كوكەيدە جۇرگەن ماسەلەلەرىن وسى الەۋمەتتىك جەلىدە تالقىلايدى. بىزدىڭشە، ەلدىڭ كۇيىن كۇيتتەيدى دەگەن ازاماتتاردىڭ ءبارى الەۋمەتتىك جەلىنىڭ تورىندە وتىرۋى ءتيىس.
قازاقستان بيلىگى «سيفرلى قازاقستان» باعدارلاماسىن قولعا الىپ جۇزەگە اسىرىپ جاتقانىنا ءبىراز جىلدىڭ ءجۇزى بولدى. ال شەندىلەر بولسا الەۋمەتتىك جەلىگە ەندى تىركەلۋدە. قانداي پارادوكس دەسەڭىزشى.
Facebookء-تىڭ بايىرعى قولدانۋشىسى رەتىندە قاتارىمىزعا قوسىلىپ، سۋ جاڭا پاراقشانىڭ يەسى اتانىپ جاتقان باۋىرجان بايبەك مىرزاعا ءبىر كەڭەسىمدى ايتا كەتۋدى ءجون ساناپ وتىرمىن.
قۇرمەتتى باۋىرجان مىرزا، الداعى ۋاقىتتا «Nur Otan» پارتياسىنىڭ تىزىمىمەن پارلامەنتكە وتكەن دەپۋتاتتاردى ءبارىن Facebook الەۋمەتتىك جەلىسىنە تىركەتىپ، الىس اۋىلداعى جاعدايدى مەنىڭ انام سياقتى قاراپايىم ادامداردىڭ پاراقشاسىنان باقىلاۋلارىڭىزعا بولادى. وسىنداي جاڭا تاسىلگە كوشىپ، دەپۋتاتتاردىڭ ەل ارالاۋعا كەتەتىن ميلليونداعان شىعىنىن ۇنەمدەۋگە بولادى.
سوىنمەن قاتار نۇروتاندىق دەپۋتاتتاردىڭ Facebook-تە تىكلەي ەفيرگە شىعارىپ، حالىقپەن ەتەنە بايلانىس ورناتۋىن تالاپ ەتىڭىز.
سول كەزدە «Nur Otan» پارتياسى حالىقتىق ساياسي ۇيىمعا اينالادى. وزىڭىزدە بايقاعان شىعارسىز Facebook حالىقپەن بايلانىس ورناتۋدا تاپتىرماس قۇرال.
نۇرلان جۇماحان
