وتىرار اۋدانىنداعى ءشاۋىلدىر اۋىلىنىڭ تۇرعىندارىمەن كەزدەسۋ كەزىندە كەڭەس زامانىندا سالىنعان ۇيلەردىڭ ينجەنەرلىك ينفراقۇرىلىمنىڭ توزىعى جەتكەنى جايلى ايتىلدى.
«ەلباسىنىڭ باستاماسىمەن قولعا الىنعان «اۋىل – ەل بەسىگى» جوباسىنىڭ اياسىندا بۇگىندە ەلىمىزدىڭ شالعاي اۋداندارىنىڭ تۇيىتكىلدى ماسەلەلەرىن شەشۋ بويىنشا پارتيا جۇيەلى شارالار ازىرلەۋدە. وتىرار اۋدانىنداعى ءشاۋىلدىر اۋىلىنىڭ تۇرعىندارىمەن كەزدەستىم. مۇندا 300-دەن استام وتباسى 70-80 جىلدارى سالىنعان ۇيلەردەگى ينجەنەرلىك ينفراقۇرىلىمنىڭ توزۋى سالدارىنان جىلۋ بەرۋ جۇيەسىنىڭ ماردىمسىز جۇمىسىنا بايلانىستى «Nur Otan» پارتياسىنا شاعىمدانعان»، – دەدى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك.
تۇركىستان وبلىسىنىڭ اكىمى ءومىرزاق ەستاي ۇلى ۇزاق جىلداردان بەرى قوردالانىپ كەلگەن ماسەلەنىڭ جاقىن ارادا شەشىلەتىنىن ايتتى. جەرگىلىكتى بيۋدجەتتى ناقتىلاۋ كەزىندە جىلۋ جۇيەلەرىن سالۋ ءۇشىن 700 ملن. تەڭگەدەن استام قارجى بولىنبەك. نەگىزگى قازاندىقتىڭ قۇرىلىسىنا قاراجات قارالعان. اۋىل تۇرعىندارى كوتەرگەن ماسەلەنى شەشۋ «Nur Otan» پارتياسىنىڭ باقىلاۋىنا الىندى.
جۇمىس ساپارى بارىسىندا باۋىرجان بايبەك تۇركىستاندىق زيالى قاۋىم وكىلدەرىمەن كەزدەستى. باسقوسۋ بارىسىندا ءال-فارابي جانە اباي سىندى ويشىلدارىمىزدىڭ مەرەيتويلارىن تاعلىمدى دەڭگەيدە وتكىزۋ جايى قوزعالدى.
باۋىرجان بايبەك وڭىرگە ءىسساپارىن تۇركىستان قالاسىندا جالعاستىردى. جەتەكشى پارتيا ءتوراعاسىنىڭ ءبىرىنشى ورىنباسارى «جاستار رەسۋرستىق ورتالىعىندا» تۇركىستاندىق قوعام بەلسەندىلەرى مەن جاستارمەن ەركىن فورماتتا كەزدەسىپ، پىكىر الماستى. جيىندا ازاماتتىق قوعامدى دامىتۋ مەن جاستار ساياساتى جانە بيىلعى ەرىكتىلەر جىلىن جۇزەگە اسىرۋ جايلى ماسەلەلەر ايتىلدى.
سونداي-اق، باۋىرجان قادىرعالي ۇلى ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتى مادەنيەت سارايىندا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەن تاجىبايەۆ پەن ەلىمىزدىڭ باس پارياسىنىڭ اۋداندىق فيليال ءتوراعالارىنىڭ قاتىسۋىمەن جينالىس وتكىزدى.
ەسكە سالا كەتەيىك، ەلباسى تاپسىرماسى بويىنشا «Nur Otan» پارتياسى بىرنەشە ايدان بەرى ۇكىمەتپەن جانە وڭىرلىك فيليالدارمەن بىرلەسە وتىرىپ، الداعى 5 جىلعا اۋدانداردى، قالالاردى جانە وبلىستاردى دامىتۋدىڭ جاڭا باعدارلاماسىن ازىرلەۋ جۇمىستارىن جۇرگىزىپ جاتىر. اتالعان باعدارلامالاردا ءاربىر جەكەلەگەن ءوڭىردىڭ جەرگىلىكتى ەرەكشەلىكتەرى ەسكەرىلىپ، ازاماتتاردىڭ ناقتى قاجەتتىلىكتەرى كورىنىس تاباتىن بولادى. وسى جۇمىستاردىڭ اياسىندا «Nur Otan» پارتياسىنىڭ باسشىلىعى ەلىمىزدىڭ بارلىق ءوڭىرىن، ءتىپتى شالعاي ەلدى مەكەندەرىنە دەيىن ارالاپ شىعادى.
تۇركىستان وبلىسى اكىمىنىڭ باسپا ءسوز قىزمەتى
