«بولاشاق» قورى قامقورشىلىق كەڭەسىنىڭ قۇرمەتتى مۇشەسىنىڭ ايتۋىنشا، بۇگىندە قازاقستاندا 160 مىڭنان استام ەرەكشە ءبىلىم الۋعا قاجەتتىلىكتەرى بار بالا بار، ونىڭ ىشىندە 35 مىڭ بالا اۋتيزممەن اۋىرادى. سوندىقتان بيىل قۇرىلعانىنا 10 جىل تولىپ وتىرعان قور جۇمىسىنىڭ نەگىزگى باعىتتارىنىڭ ءبىرى «ءار بالا مەكتەپكە بارۋعا لايىقتى» ينكليۋزيۆتىك ءبىلىم بەرۋدى دامىتۋ جوباسى بولىپ تابىلادى.
– وسى جىلدار ىشىندە بولاشاقتىقتاردىڭ ىقىلاسپەن اتقارعان ىزگى ءىسىنىڭ ارقاسىندا وڭىرلەردە 59 مامانداندىرىلعان وڭالتۋ مەكەمەسى اشىلىپ، جابدىقتالدى. ونىڭ ىشىندە 22 قالادا 43 ينكليۋزيانى قولداۋ كابينەتى اشىلدى. ەرەكشە ءبىلىم الۋعا قاجەتتىلىگى بار 2 مىڭنان استام بالا قامتىلدى، ونىڭ ىشىندە 600 بالا ۇيدە ءبىلىم الۋدان شىعارىلدى. ينكليۋزيۆتىك ءبىلىم بەرۋ سالاسىندا 420 جاڭا بىلىكتىلىگى جوعارى جۇمىس ورنى اشىلدى. 2 مىڭ مامان مەن اتا-انا ارنايى ءدارىس الدى. مەملەكەت دەڭگەيىندە جۇيەلى تۇردە شەشۋ ءۇشىن قور زاڭناما اكتىلەرىنە 70-تەن استام ۇسىنىم مەن تۇزەتۋلەر ەنگىزدى، – دەدى باۋىرجان بايبەك.
سونىمەن بىرگە ول «بولاشاق» قورىنىڭ ساراپشىلارى نۇرسۇلتان نازاربايەۆ قورىنا تۇراقتى تۇردە كونسۋلتاتيۆتىك قولداۋ كورسەتەتەتىنىن اتاپ ءوتتى. وتكەن جىلى قوردىڭ 8 وڭىردە 16 ينكليۋزيانى قولداۋ كابينەتىن اشۋى، سونداي-اق كەلەسى جىلدىڭ سوڭىنا دەيىن اۋتيزممەن اۋىراتىن جانە باسقا دا مەنتالدى اۋىتقۋلارى بار بالالار ءۇشىن سوڭعى ۇلگىدەگى ۇزدىك تەحنولوگيالاردى ەندىرە وتىرىپ، تاعى دا 8 زاماناۋي ەڭسەلى ورتالىق سالۋدى جوسپارلاۋى ماڭىزدى قادام بولدى.
– ەرەكشە قاجەتتىلىكتەرى بار بالالارعا قولداۋ كورسەتۋ پارتيا ليدەرى نۇرسۇلتان نازاربايەۆتىڭ بۇدان 7 جىل بۇرىن باستاماشى بولعان «كەدەرگىسىز كەلەشەك» جوباسى مەن مەملەكەت باسشىسى قاسىم-جومارت توقايەۆ جاريا ەتكەن «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى باسىمدىقتارىنىڭ ءبىرى بولىپ تابىلادى. «بارشا بالاعا – تەڭ مۇمكىندىكتەر» قاعيداتىن ىسكە اسىرا وتىرىپ، 2025 جىلعا دەيىن كوللەدجدەر مەن جوعارى وقۋ ورىندارىندا، سونداي-اق مەكتەپتەر مەن مەكتەپكە دەيىنگى ۇيىمداردىڭ 70%-ندە ينكليۋزيۆتىك ءبىلىم بەرۋدى ەندىرۋ جونىندە مىندەت قويىلدى، – دەپ اتاپ ءوتتى پارتيا ءتوراعاسىنىڭ ءبىرىنشى ورىنباسارى.
بۇدان بولەك، پارتيا وڭالتۋ ورتالىقتارىنىڭ سانىن ۇلعايتۋعا جانە ەرەكشە قاجەتتىلىكتەرى بار بالالارعا پسيحولوگيالىق-پەداگوگيكالىق جانە كوررەكسيالىق قولداۋ بويىنشا مەملەكەتتىك تاپسىرىستى ەندىرۋگە قول جەتكىزبەك. اسىراۋشىسىنان ايرىلعان بالالار ءبىر مەزگىلدە مۇگەدەكتىگى بويىنشا جانە اسىراۋشىسىنان ايىرىلۋى بويىنشا 2 جاردەماقى الاتىن بولادى. سونىمەن بىرگە ەرەكشە قاجەتتىلىكتەرى بار بالالار ءۇشىن كامەلەتتىك جاسقا تولعاننان كەيىن تۇرعىن ۇيگە كەزەگىنىڭ ۇزىلمەۋى دە قامتاماسىز ەتىلەدى.
جالپى، سايلاۋالدى مىندەتتەمەلەر اياسىندا تاياۋداعى 5 جىلدا ەرەكشە قاجەتتىلىكتەرى بار ادامدار ءۇشىن تاعى دا 22 مىڭ الەۋمەتتىك ينفراقۇرىلىم نىسانىن بەيىمدەۋ جالعاستىرىلادى. جۇمىسقا ورنالاستىرۋ بويىنشا كۆوتانى ورىنداماعان جۇمىس بەرۋشىلەر ءۇشىن وتەماقى تولەمدەرى ەنگىزىلىپ، ول ەرەكشە قاجەتتىلىكتەرى بار ادامدارعا جۇمىس ورىندارىن اشۋعا باعىتتالادى.
«Nur Otan» ماقساتى ايقىن، ناقتى ىستەر پارتياسى رەتىندە ءوز سايلاۋالدى ۋادەلەرىنىڭ بارلىعىن ىسكە اسىرۋدى قامتاماسىز ەتەدى. بۇل ءۇشىن پارتيا ليدەرىنىڭ تاپسىرماسى بويىنشا بۇگىندە بۇعان قاجەتتى بۇكىل پارتيالىق ينفراقۇرىلىم جاڭاشا جولعا قويىلدى: جاۋاپتى دەپۋتاتتار مەن باسشىلار ناقتى بەكىتىلە وتىرىپ، 217 جول كارتاسى ىسكە اسىرىلىپ جاتىر، 12 مىڭنان استام بەلسەندى ازاماتتىڭ قاتىسۋىمەن 1،7 مىڭنان استام قوعامدىق كەڭەستەردىڭ وڭىرلىك جۇيەسى قۇرىلدى جانە ت.ب. تاياۋ ۋاقىتتا سايلاۋالدى باعدارلاما مەن ازاماتتار اماناتتارىنىڭ ورىندالۋ ساپاسىن تەكسەرۋ ءۇشىن جەرگىلىكتى جەرلەردە ءتيىستى كوشپەلى كەزدەسۋلەر وتكىزىلەدى»، – دەپ تۇيىندەدى باۋىرجان بايبەك.
