– 2021 جىلدىڭ قورىتىندىسى بويىنشا ەنەرگەتيكا سەكتورىنداعى جەر قويناۋىن پايدالانۋشىلاردىڭ تاۋارلارىن، جۇمىستارى مەن كورسەتىلەتىن قىزمەتتەرىن ساتىپ الۋدىڭ جالپى كولەمى 4،69 ترلن تەڭگەنى قۇرادى. جەرگىلىكتى قامتۋ ۇلەسىنىڭ ورتاشا سالالىق كورسەتكىشى – 2،9 ترلن تەڭگە، ياعني 61،8%. ونىڭ ىشىندە تاۋارلار – 24،3%، جۇمىستار – 76،4%، كورسەتىلەتىن قىزمەتتەر – 53،6%. جالپى، ساتىپ الۋ كولەمىنىڭ شامامەن 75%-ى 3 ءىرى وپەراتورعا – تەڭىزشيەۆرويل، قاراشىعاناق پەترولەۋم وپەرەيتينگ جانە نورت كاسپيان وپەرەيتينگكە تيەسىلى. سونداي-اق، تاعى 13%-ى «سامۇرىق-قازىنا» قورىنىڭ كومپانيالار توبىنا جانە 12%-ى قالعان جەر قويناۋىن پايدالانۋشىلارعا تيەسىلى، – دەدى بولات اقشولوقوۆ.
ونىڭ ايتۋىنشا، تاۋارلارداعى جەرگىلىكتى قامتۋ ۇلەسىن ۇلعايتۋعا مۇمكىندىك بار. ول ءۇشىن مينيسترلىك ەكى باستامانى قولعا الدى.
– بىرىنشىدەن، مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرىلدى، ول 3 ءىرى وپەراتوردىڭ قاجەتتىلىگى ءۇشىن جەرگىلىكتى تاۋارلاردى دامىتۋ بويىنشا جۇمىس جۇرگىزىپ جاتىر. ەكىنشىدەن، «شيەۆرون» كومپانياسى ءوزىنىڭ رەسپۋبليكا الدىنداعى قايتا ينۆەستيسيالاۋ مىندەتتەمەلەرى اياسىندا قازاقستاننىڭ كىرىستى كاسىپورىندارىنا 248،5 ملن اقش دوللارىن ءبولۋدى قاراستىرىپ وتىر، – دەدى مينيستر.
بۇدان بۇرىن حابارلانعانداي، ۇكىمەت حالىقتىڭ تابىسىن ارتتىرۋ باعدارلاماسىن ازىرلەدى. قابىلدانعان بۇل باعدارلاما اياسىندا 2 ملن جۇمىس ورنى اشىلادى.
