Batystyń úsh iri munai kompaniiasynyń tenderi talai kásipkerge jumys bolady
– 2021 jyldyń qorytyndysy boiynsha energetika sektoryndaǵy jer qoinaýyn paidalanýshylardyń taýarlaryn, jumystary men kórsetiletin qyzmetterin satyp alýdyń jalpy kólemi 4,69 trln teńgeni qurady. Jergilikti qamtý úlesiniń ortasha salalyq kórsetkishi – 2,9 trln teńge, iaǵni 61,8%. Onyń ishinde taýarlar – 24,3%, jumystar – 76,4%, kórsetiletin qyzmetter – 53,6%. Jalpy, satyp alý kóleminiń shamamen 75%-y 3 iri operatorǵa – Teńizshevroil, Qarashyǵanaq Petroleým Opereiting jáne Nort Kaspian Opereitingke tiesili. Sondai-aq, taǵy 13%-y «Samuryq-Qazyna» qorynyń kompaniialar tobyna jáne 12%-y qalǵan jer qoinaýyn paidalanýshylarǵa tiesili, – dedi Bolat Aqsholoqov.
Onyń aitýynsha, taýarlardaǵy jergilikti qamtý úlesin ulǵaitýǵa múmkindik bar. Ol úshin ministrlik eki bastamany qolǵa aldy.
– Birinshiden, Munai-gaz mashinasyn jasaýdy damytýdyń halyqaralyq ortalyǵy quryldy, ol 3 iri operatordyń qajettiligi úshin jergilikti taýarlardy damytý boiynsha jumys júrgizip jatyr. Ekinshiden, «Shevron» kompaniiasy óziniń respýblika aldyndaǵy qaita investitsiialaý mindettemeleri aiasynda Qazaqstannyń kiristi kásiporyndaryna 248,5 mln AQSh dollaryn bólýdi qarastyryp otyr, – dedi ministr.
Budan buryn habarlanǵandai, Úkimet Halyqtyń tabysyn arttyrý baǵdarlamasyn ázirledi. Qabyldanǵan bul baǵdarlama aiasynda 2 mln jumys orny ashylady.
