ەلىمىزدىڭ ءبىرقاتار ايماقتارىندا جۇمىس ىستەپ جاتقان ايماقتىق كوممۋنيكاسيالار قىزمەتى جەرگىلىكتى بيلىك ورىندارىنىڭ جۇمىسىن كوپشىلىككە جان-جاقتى ناسيحاتتاپ، حالىق پەن بيلىك اراسىنا دانەكەر بولىپ وتىرعانىن بىلەمىز. وسىنداي ماڭىزدى قۇرىلىمنىڭ باتىس قازاقستان وبلىسىندا قۇرىلۋى ايماقتىڭ اقپاراتتىق-يدەولوگيالىق جۇمىسىنا سەرپىن بەرەتىنى ءسوزسىز.
ال «بقو ايماقتىڭ كوممۋنيكاسيالار قىزمەتىنىڭ» جۇمىسىنا جەتەكشىلىك جاساۋعا جاس ساياساتتانۋشى داۋرەن ساكەن ۇلىنىڭ تاعايىندالۋى، جاڭا قۇرىلىمنىڭ جۇمىسىنىڭ جەمىستى بولۋىنا كەپىلدىك بەرەتىنى ءسوزسىز. ويتكەنى، ەلىمىزدىڭ اقپارتتىق جۇيەسىندە مول تاجىريبە جيناعان داۋرەن ساكەن ۇلى ءوزىنىڭ ىس-تاجىريبەسىن پايدالانىپ، بقو اكىمدىگىنىڭ اقپاراتتىق ساياساتىن وڭ باعىتتا دامۋىنا بار كۇش-جىگەرىن جۇمسايتىنى انىق.
ءوز كەزەگىندە ارتۋر نىعمەتوۆ فەيسبۋكتاعى پاراقشاسىندا: «وبلىس باسشىسى التاي سەيدىر ۇلى كولگىنوۆ مىرزا مەن بقو ىشكى ساياسات باسقارماسىنىڭ ماڭىزدى باستاماعا قولداۋ بىلدىرگەنىنە العىس ايتامىن. جاڭادان قۇرىلعان ايماقتىق كوممۋنيكاسيالار قىزمەتى بقو مەملەكەتتىڭ اقپاراتتىق ساياساتىنىڭ ءساتتى جۇزەگە اسۋىنا وڭ ىقپال ەتەتىنە سەنىمدىمىن»، – دەپ ءوزىنىڭ ىستىق ىقىلاسىن جولداپتى.
ەكى ءبولىم مەن 11 قىزمەتكەردەن تۇراتىن ايماقتىق كوممۋنيكاسيالار قىزمەتى باتىس قازاقستان وبلىسىنىڭ ءيميدجىن قالىپتاستىرۋدا كوپتەگەن جۇمىستار كۇتىپ تۇر. سوندىقتان قوعامدىق-ساياسي ومىرىمىزدە سارابدال ساراپشى رەتىندە تانىلعان داۋرەن ساكەن ۇلى مەن جاڭا ۇجىمعا ساتتىلىك تىلەيمىز!
Dalanews.kz
