Elimizdiń birqatar aımaqtarynda jumys istep jatqan Aımaqtyq komýnıkasıalar qyzmeti jergilikti bılik oryndarynyń jumysyn kópshilikke jan-jaqty nasıhattap, halyq pen bılik arasyna dáneker bolyp otyrǵanyn bilemiz. Osyndaı mańyzdy qurylymnyń Batys Qazaqstan oblysynda qurylýy aımaqtyń aqparattyq-ıdeologıalyq jumysyna serpin beretini sózsiz.
Al «BQO Aımaqtyń komýnıkasıalar qyzmetiniń» jumysyna jetekshilik jasaýǵa jas saıasattanýshy Dáýren Sákenulynyń taǵaıyndalýy, jańa qurylymnyń jumysynyń jemisti bolýyna kepildik beretini sózsiz. Óıtkeni, elimizdiń aqparttyq júıesinde mol tájirıbe jınaǵan Dáýren Sákenuly óziniń is-tájirıbesin paıdalanyp, BQO ákimdiginiń aqparattyq saıasatyn oń baǵytta damýyna bar kúsh-jigerin jumsaıtyny anyq.
Óz kezeginde Artýr Nyǵmetov Feısbýktaǵy paraqshasynda: «Oblys basshysy Altaı Seıdiruly Kólginov myrza men BQO İshki saıasat basqarmasynyń mańyzdy bastamaǵa qoldaý bildirgenine alǵys aıtamyn. Jańadan qurylǵan Aımaqtyq komýnıkasıalar qyzmeti BQO memlekettiń aqparattyq saıasatynyń sátti júzege asýyna oń yqpal etetine senimdimin», – dep óziniń ystyq yqylasyn joldapty.
Eki bólim men 11 qyzmetkerden turatyn Aımaqtyq komýnıkasıalar qyzmeti Batys Qazaqstan oblysynyń ımıjin qalyptastyrýda kóptegen jumystar kútip tur. Sondyqtan qoǵamdyq-saıası ómirimizde sarabdal sarapshy retinde tanylǵan Dáýren Sákenuly men jańa ujymǵa sáttilik tileımiz!
Dalanews.kz
