پرەزيدەنت كولىك-لوگيستيكا سالاسىن جاڭعىرتۋ بويىنشا ناقتى تاپسىرمالار بەرگەن بولاتىن. ەكونوميكانىڭ كۇرە تامىرى – جول. كەز كەلگەن ءوڭىردىڭ دامۋىنا ساپالى جولداردىڭ بولۋى ۇلكەن اسەرىن تيگىزەدى، – دەپ حابارلايدى Dalanews.kz بقو اكىمىنىڭ باسپا ءسوز قىزمەتىنە سىلتەمە جاساپ.
ءوڭىر بويىنشا ءبىرقاتار ءىرى جول قۇرىلىستارى جۇزەگە اسۋدا. وبلىستىڭ شالعاي ورنالاسقان كازتالوۆ، بوكەيورداسى جانە جانىبەك اۋداندارىندا وتكەن جىلداردان كەلە جاتقان رەسپۋبليكالىق ماڭىزى بار 245 شاقىرىم جول كۇردەلى جوندەۋدەن ءوتىپ، ناتيجەسىندە شالعاي اۋدانداردىڭ وبلىس ورتالىعىمەن بايلانىسى وڭ شەشىم تاپتى.
سونىمەن قاتار، رەسپۋبليكالىق ماڭىزى بار 144 شاقىرىم پودستەپنوە - فەدوروۆكا - رەسەي فەدەراسياسى شەكاراسىنا دەيىنگى جولدى قايتا جاڭعىرتۋ جۇمىستارى جالعاسۋدا. قازىرگى تاڭدا 60 شاقىرىمعا جۋىق جول جوندەلدى.
وبلىستىق ماڭىزى بار اۆتوموبيل جولدارىن جوندەۋ بويىنشا بارباستاۋ – اقجايىق - يندەر (308 كم، اياقتالعانى 50 كم) جانە جاڭاقالا – بيسەن (210 كم، اياقتالعانى 23 كم) باعىتىنداعى جولداردىڭ قۇرىلىسى جۇرۋدە.
ۇكىمەتتىڭ قولداۋىمەن جىل سايىن جول قۇرىلىستارىن جۇرگىزۋ ءۇشىن قاراجات ۋاقىتىلى بولىنۋدە. وتكەن جىلى 82 ملرد. تەڭگەگە 562 شاقىرىم جول جوندەلسە، بيىلعى جىلى 92 ملرد.تەڭگەدەن استام قارجىعا 642 شاقىرىم جول جوندەلۋدە.
ال، كەلەر 2025 جىلى وسىنداي كولەمدەگى جولداردى جوندەۋ جوسپارلانىپ وتىر. سونداي-اق، وبلىس ورتالىعى ورال قالاسىنداعى كوشە جولدارىن جوندەۋ بويىنشا دا جۇمىستار جۇرگىزىلۋدە. وتكەن جىلى 3،6 ملرد.تەڭگەگە ورال قالاسىندا 58 شاقىرىم جول جوندەلسە، بيىلعى جىلى 4،3 ملرد تەڭگەگە 50 شاقىرىمنان استام جول جوندەلدى.
