باتىس قازاقستان وبلىسى ەكٸمٸ ٶز سٶزٸندە ەڭ الدىمەن مەملەكەت باسشىسى قاسىم-جومارت كەمەلۇلى توقاەۆتىڭ «Egemen Qazaqstan» گازەتٸندە جارييالانعان «بٸز وزىق ويلى ۇلت رەتٸندە تەك قانا العا قاراۋىمىز كەرەك» دەگەن ماقالاسى اياسىندا ٶڭٸرٸمٸزدە جٷزەگە اسىپ جاتقان جۇمىستارعا كەڭٸنەن توقتالدى. ماقالادا قوزعالعان باستى جوبالاردى جٷزەگە اسىرۋدا, ەسٸرەسە جاستاردىڭ رٶلٸ باسىم ەكەنٸن ايتقان ٶڭٸر باسشىسى ەلٸمٸزدە تۇڭعىش رەت حالىقتى قالادان اۋىلدىق جەرلەرگە كٶشٸرۋگە باعىتتالعان «قالادان اۋىلعا» پيلوتتىق جوباسى ٸسكە قوسىلاتىنىن حابارلادى.
– پرەزيدەنتتٸڭ تاپسىرماسى اياسىندا ٶتكەن جىلى ەلٸمٸزدە اۋىلدىق ايماقتاردى دامىتۋدىڭ 2023-2027 جىلدارعا ارنالعان تۇجىرىمداماسى قابىلداندى. وسىنىڭ اياسىندا بقو-دا حالىقتى قالادان اۋىلدىق جەرلەرگە كٶشٸرۋ بويىنشا پيلوتتىق جوبانى ٸسكە اسىراتىن بولامىز. بۇل تۋعان جەرگە تۋىمىزدى تٸگۋ ٷشٸن, قارا شاڭىراقتىڭ تٷتٸنٸن قايتا جاڭعىرتۋ, اۋىلدارىمىزدى يەسٸز قالدىرماۋ جەنە جاڭعىرتۋ ٷشٸن باستالىپ جاتىرعان جوبا.
بٸز اۋىلعا كٶشٸپ بارامىن دەگەن ازاماتتارعا ٶز تاراپىمىزدان مەملەكەتتٸك باعدارلامالاردى پايدالانا وتىرىپ جەنە جەرگٸلٸكتٸ بيۋدجەتتٸڭ مٷمكٸندٸكتەرٸن ەسكەرە وتىرىپ بارىنشا قولداۋ بٸلدٸرەمٸز. ٶتكەن جىلى اۋىلدىق جەرلەرگە بارعان دەرٸگەرلەرگە 2,5 ملن تەڭگەدەن 5 ملن. تەڭگەگە دەيٸن قارجىلاي كٶمەك كٶرسەتٸلدٸ. بيىلعى جىلى بۇل قاراجاتتىڭ كٶلەمٸن 5 ملن. تەڭگەدەن 8 ملن. تەڭگەگە دەيٸن كٶبەيتۋدٸ جوسپارلاپ وتىرمىز. سوڭعى 3 جىلدا اۋىلدىق جەرلەرگە 3 616 ادام قونىس اۋدارعان, – دەدٸ ناريمان تٶرەعاليەۆ.
قالادان اۋىلعا قونىس اۋدارعان جاستاردىڭ بٸرٸ ەلۆيرا امانوۆا شارا بارىسىندا مەملەكەتتٸك قولداۋدىڭ ماڭىزدىلىعىن اتاپ ٶتتٸ.
– وتاۋ قۇرعالى 10 جىل بويى جولداسىمىز ەكەۋٸمٸز پەتەر جالداپ تۇردىق. ەندٸگٸ كەزەكتە وتباسىمىزبەن بەيتەرەك اۋدانىنىڭ چيروۆ اۋىلىنا قونىس اۋداردىق. وسى پيلوتتىق جوبا اياسىندا ٶز ٸسٸمٸزدٸ باستاماق نيەتتەمٸز. وسىنداي جوبا ەلەۋمەتتٸك جاعدايىن تٷزەي الماي جٷرگەن تالاي جاندارعا تۋعان جەرٸنە, اۋىلىنا بارىپ, تەك قانا جاعدايىن عانا تٷزەپ قانا قويماي, ەلٸمٸزدٸڭ ٶركەندەۋٸنە دە ٶز ٷلەسٸن قوسار ەدٸ, – دەدٸ ەلۆيرا ورالبەكقىزى.
جيىن بارىسىندا وبلىس ەكٸمٸ جاستارعا ارنالعان تۇرعىن ٷي باعدارلاماسىن ٸسكە اسىرۋ ماقساتىندا «وتباسى بانك» اق بقو فيليالى باسشىسىمەن ارنايى مەموراندۋمعا قول قويدى. بۇل مەموراندۋم نەتيجەسٸندە «وتباسى بانك»-پەن بٸرلەسە 35 جاسقا دەيٸنگٸ جاستارعا جەڭٸلدەتٸلگەن نەسيە بەرٸلمەك. وسى ورايدا, بقو-دا تۇرعىن ٷي الۋعا 600 ملن. تەڭگە كٶلەمٸندە قاراجات بٶلٸنٸپ, جاس وتباسىلاردى باسپانامەن قامتۋ جوسپارلانىپ وتىر.
بۇدان بٶلەك, ٸس-شارادا ەلٸمٸزدەگٸ پرەزيدەنتتٸك جاستار كادرلىق رەزەرۆٸ جوباسى تۋرالى دا ايتىلدى. باتىس قازاقستان وبلىسى بويىنشا پرەزيدەنتتٸك جاستار كادر رەزەرۆٸنە ٸلٸككەن 4 مامان باسقارۋشىلىق لاۋازىمداردا جۇمىس ٸستەپ جٷر. ال, بيىلعى ٸرٸكتەلەنٸپ الىنعان جاستاردىڭ ەكەۋٸ باتىس قازاقستان وبلىسىنىڭ تۋمالارى. ولاردى قازٸرگٸ ۋاقىتتا جۇمىسقا ورنالاستىرۋ بويىنشا تيٸستٸ شارالار اتقارىلىپ جاتىر.
