قازاقستان رەسپۋبليكاسى پارلامەنتٸ سەناتىنىڭ تٶراعاسى مەۋلەن ەشٸمباەۆ جۇمىس ساپارىمەن باتىس قازاقستان وبلىسىنا كەلٸپ, بارلىق دەڭگەيدەگٸ مەسليحات دەپۋتاتتارىمەن, قازاقستان حالقى اسسامبلەياسى ٶكٸلدەرٸمەن, ٶڭٸر جۇرتشىلىعىمەن جەنە جاستارمەن كەزدەستٸ, دەپ حابارلايدى Dalanews.kz
كٷن تەرتٸبٸندە – مەملەكەت باسشىسىنىڭ ۇلتتىق قۇرىلتايدىڭ IV وتىرىسىندا ايتىلعان تاپسىرمالارىن ٸسكە اسىرۋ, سەناتتىڭ ٶڭٸرلەردٸ دامىتۋعا جەردەمدەسۋٸن ودان ەرٸ كٷشەيتۋ جولدارى, سونداي-اق نەگٸزگٸ باعىتتار بويىنشا پالاتانىڭ مەسليحاتتارمەن ٶزارا ٸس-قيمىلدى نىعايتۋ مەسەلەلەرٸ بولدى.
"مەملەكەت باسشىسى قاسىم-جومارت كەمەلۇلى توقاەۆ ۇلتتىق قۇرىلتايدىڭ IV وتىرىسىندا قازاقستاننىڭ دامۋىنىڭ ٶزەكتٸ مەسەلەلەرٸنە كەڭٸنەن توقتالدى. ٶڭٸرلەردٸڭ ەكونوميكاسىن دامىتۋ نەگٸزگٸ باعىتتاردىڭ بٸرٸ رەتٸندە بەلگٸلەندٸ. قۇرىلتايدا ٸشكٸ ساياسات, يدەولوگييا, بٸلٸم بەرۋ مەسەلەلەرٸنە ەرەكشە نازار اۋدارىلدى. بارلىق ايتىلعان باستامالار ەدٸلەتتٸ, قاۋٸپسٸز, تازا جەنە مىقتى قازاقستان قۇرۋ يدەياسىن ٸسكە اسىرۋعا باعىتتالعان. بٸز وسى جەنە باسقا دا مٸندەتتەردٸ ٸسكە اسىرۋ ٷشٸن جٷيەلٸ جەنە تيٸمدٸ جۇمىس ٸستەۋٸمٸز كەرەك", - دەدٸ مەۋلەن ەشٸمباەۆ.
ساپار بارىسىندا باتىس قازاقستان وبلىسىنىڭ ەكٸمٸ ناريمان تٶرەعاليەۆ قر پرەزيدەنتٸ قاسىم-جومارت توقاەۆ حالىقتىڭ ٶمٸر سٷرۋ ساپاسىن ارتتىرۋدى باستى باسىمدىقتاردىڭ بٸرٸ رەتٸندە بەلگٸلەپ, سونداي-اق ٶڭٸرلەردٸ دامىتۋ بويىنشا ناقتى مٸندەتتەر قويعانىن اتاپ ٶتتٸ. باتىس قازاقستان وبلىسىندا ولاردى ٸسكە اسىرۋ بويىنشا جٷيەلٸ جۇمىستار جٷرگٸزٸلۋدە.
"سوڭعى ەكٸ جىلدا ٶڭٸر ەكونوميكاسىنا 1,2 ترلن تەڭگە ينۆەستيتسييا تارتىلدى جەنە 2025 جىلى بۇل كٶرسەتكٸشتٸ ودان ەرٸ ارتتىرۋ جوسپارلانۋدا. اتاپ ايتقاندا, 104 ملرد تەڭگەگە 21 ينۆەستيتسييالىق جوبا ٸسكە قوسىلدى. اعىمداعى جىلى دا بٸرقاتار ستراتەگييالىق ماڭىزدى وبەكتٸلەردٸڭ, سونىڭ ٸشٸندە قوقىستى قايتا ٶڭدەۋ كەشەنٸنٸڭ, كٷن ەلەكتر ستانتسيياسىنىڭ, جىلىجاي شارۋاشىلىعىنىڭ, مەتانول ٶندٸرەتٸن گاز - حيمييا كەشەنٸنٸڭ جەنە ۇنتاق جابىندارىن شىعاراتىن زاۋىتتىڭ قۇرىلىسى ٸسكە قوسىلادى دەپ كٷتٸلۋدە", - دەدٸ ناريمان تٶرەعاليەۆ.
تۇرعىن ٷي قۇرىلىسى اياسىندا 2025 جىلى وبلىستا 580 مىڭ شارشى مەتر تۇرعىن ٷي پايدالانۋعا بەرٸلەدٸ.
ەلەۋمەتتٸك نىسانداردى سالۋ جۇمىستارى بەلسەندٸ تٷردە جالعاسۋدا. سوڭعى ەكٸ جىلدا ٶڭٸردە 20-دان استام مەكتەپ, 38 مەديتسينالىق مەكەمە, 6 مەدەنيەت نىسانى جەنە 8 سپورت كەشەنٸ پايدالانۋعا بەرٸلدٸ. جول ينفراقۇرىلىمىن جٶندەۋ جۇمىستارى جالعاسۋدا-وسى كەزەڭدە 1000 شاقىرىمنان استام اۆتوجول جاڭارتىلىپ, ەلدٸ مەكەندەردٸڭ كٶلٸكتٸك قولجەتٸمدٸلٸگٸن ايتارلىقتاي جاقساردى.
2025 جىلى وبلىستا 7 جاڭا مەكتەپتٸڭ قۇرىلىسى جٷرگٸزٸلۋدە, ال اعىمداعى جىلى تاعى 10 بٸلٸم بەرۋ مەكەمەسٸنٸڭ قۇرىلىسى باستالادى. بارلىق 12 اۋدان ورتالىعى سپورت كەشەندەرٸمەن قامتاماسىز ەتٸلگەن, ال اۋىلدىق ەلدٸ مەكەندەردە 12 قوسىمشا سپورت نىساندارىنىڭ قۇرىلىسى جوسپارلانۋدا. سونداي-اق, بيىل 14 مەديتسينالىق مەكەمە سالىنىپ, ورال قالاسىنىڭ بارلىق تەاترلارىنا كٷردەلٸ جٶندەۋ جۇمىستارى جوسپارلانعان.
ەنەرگەتيكالىق جەنە تۇرعىن ٷي-كوممۋنالدىق ينفراقۇرىلىمدى جاڭعىرتۋعا ەرەكشە كٶڭٸل بٶلٸنەدٸ. ورال قالاسىندا جاڭا ەلەكتر قوسالقى ستانتسييالارى سالىنۋدا, جىلۋ جەلٸلەرٸ مەن كەرٸز سورعى ستانتسييالارى جاڭعىرتىلۋدا.
مەملەكەت باسشىسىنىڭ اۋىلدىق جەرلەردە ٶمٸر سٷرۋ ساپاسىن ارتتىرۋ جٶنٸندەگٸ تاپسىرمالارىن ٸسكە اسىرۋ شەڭبەرٸندە ٶتكەن جىلدان باستاپ وبلىستا "قالادان اۋىلعا" پيلوتتىق باعدارلاماسى جۇمىس ٸستەيدٸ. ول اۋىلدىق ەلدٸ مەكەندەردٸ قولداۋعا جەنە ٶمٸر سٷرۋگە قولايلى جاعداي جاساۋعا باعىتتالعان. باعدارلاما اياسىندا 104 وتباسى قونىس اۋداردى, ال 2025 جىلى باعدارلاماعا قاتىسۋشىلار ٷشٸن تۇرعىن ٷي ساتىپ الۋعا 1,4 ملرد تەڭگە بٶلٸندٸ.
ساپار بارىسىندا مەۋلەن ەشٸمباەۆ ٶڭٸردٸڭ بٸرقاتار ٶنەركەسٸپتٸك كەسٸپورىندارى مەن ەلەۋمەتتٸك نىساندارىن, ونىڭ ٸشٸندە "Packaging Systems" جشس مەن "كۆانت" جشس ارالاپ, ٶندٸرٸستٸك جۇمىس بارىسىمەن تانىسىپ, ەڭبەك ۇجىمدارىمەن كەزدەسۋ ٶتكٸزدٸ. وندا ٶڭٸر تۇرعىندارىن تولعاندىراتىن ٶزەكتٸ مەسەلەلەردٸ, سونداي-اق ٶندٸرٸستەردٸ ودان ەرٸ كەڭەيتۋ جەنە ينۆەستيتسييالار تارتۋ پەرسپەكتيۆالارىن تالقىلادى.
سونداي-اق ول «اقجايىق» مٷمكٸندٸگٸ شەكتەۋلٸ جانداردى وڭالتۋ جەنە ابيليتاتسييالاۋ ورتالىعىنا باردى. جاقىندا عانا اشىلعان بۇل ورتالىق 150 ورىنعا ەسەپتەلگەن. مۇندا ازاماتتارعا روبوتتاندىرىلعان كەشەندەرمەن جابدىقتالعان ەمدٸك دەنە شىنىقتىرۋ كابينەتٸ قىزمەت كٶرسەتەدٸ. سونىمەن قاتار, پاراسپورتشىلارعا ارنالعان بوچچا زالى, باسسەين جەنە ارنايى وڭالتۋ كابينەتتەرٸ بار وقۋ كورپۋسى جۇمىس ٸستەيدٸ.
سونىمەن قاتار, قر پارلامەنتٸ سەناتىنىڭ تٶراعاسى دەرقٶل كەنتٸندە بولىپ, كٶكتەمگٸ سۋ تاسقىنىنان زارداپ شەككەن ازاماتتار ٷشٸن سالىنعان جاڭا تۇرعىن ٷيلەردٸ ارالادى.
