– نۇرجان مىرزا, قىستا قانداي تٶتەنشە جاعداي بويىنشا شاقىرتۋلار تٷسەدٸ?
– قىس كەزەڭٸندە باتىس قازاقستان وبلىسى تٶتەنشە جاعدايلار دەپارتمەنتٸنە نەگٸزٸنەن اۆتوموبيل جولدارىندا كٶلٸكتەر بۇزىلىپ, كٶلٸكتەردٸ قار قۇرساۋىنان شىعارۋعا كٶمەك سۇراپ, سونداي-اق, دالالىق جەرلەردە مال باققان ادامداردىڭ جوعالىپ كەتۋٸنە بايلانىستى ٸزدەستٸرۋ-قۇتقارۋ جۇمىستارىنا كٶمەك كٶرسەتۋگە بايلانىستى شاقىرتۋلار تٷسٸپ تۇرادى.
– بىلتىر جەنە بيىل قىستاعى تٶتەنشە جاعدايلاردان, ونىڭ ٸشٸندە قار قۇرساۋىندا قالعان, ٷسٸك شالعان, جولدا قالىپ قويعان قانشا ادام قۇتقارىلدى?
– ٶتكەن 2022-2023 جىلداردىڭ قىسقى كەزەڭٸندە اۆتوجولداردا 8 اۆتوكٶلٸك قار قۇرساۋىنان قاۋٸپسٸز جەرلەرگە شىعارىلىپ, 26 ادام قۇتقارىلدى, ونىڭ ٸشٸندە 10 بالا, 29 ادام ەۆاكۋاتسييا جاسالدى. قۇتقارۋ جۇمىستارىنا 39 ادام, ونىڭ ٸشٸندە تجد 31 قىزمەتكەرٸ, جاو 8 قىزمەتكەرٸ, تجد 10 تەحنيكاسى, جاو 10 تەحنيكاسى, سوندا جالپى سانى 18 تەحنيكاسى جۇمىلدىرىلدى.
بيىلعى قىسقى كەزەڭ باستالعالى ەزٸرگە قار قۇرساۋىندا قالعانداردى قۇتقارۋ جۇمىستارى جٷرگٸزٸلگەن جوق.
– وسىنداي جاعدايعا تاپ بولعان, ياعني قىستا جولدا قالعان ادامدارعا قانداي كەڭەستەر بەرەسٸز?
– جٷرگٸزۋشٸلەر, ەسٸرەسە, الىس قاشىقتىققا ساپار شەگۋدٸ جوسپارلايتىندار, كٶلٸكتەرٸنٸڭ تەحنيكالىق جاعدايىنا ەرەكشە نازار اۋدارۋى كەرەك. ساپار ۋاقىتىنا بايلانىستى الداعى بٸر-ەكٸ تەۋلٸككە ارنالعان اۋا-رايى بولجامىن ناقتىلاڭىز.
سۋىق مەزگٸلدە ۇزاق ۋاقىت جٷرمەس بۇرىن كٶلٸكتٸڭ جىلۋ وقشاۋلاۋىن الدىن-الا تەكسەرٸپ الىڭىز. ساپار الدىندا قوزعالتقىش پەن باتارەيانىڭ جۇمىسىن تەكسەرٸپ, جانارماي قورىن جيناڭىز.
جولعا ٶزٸڭٸزبەن بٸرگە جىلى زاتتار مەن تاماق الا شىعىڭىز, ۇيالى تەلەفوندى قۋاتتاعىشتى ۇمىتپاڭىز, سورعىنى, سٷيرەۋ كابەلٸن, باللون كٸلتٸن جەنە دومكراتتى تەكسەرٸڭٸز.
جٷكسالعىشقا وتالدىرۋ سىمدارىنىڭ جيىنتىعىن سالىپ العان جٶن. فورس-ماجور جاعدايىندا تٶتەنشە جاعدايعا قاجەتتٸ جيناقتى دايىنداڭىز. جاعدايدى ٶزٸڭٸز شەشە المايتىن جەنە كٶمەك شاقىرۋعا تۋرا كەلەتٸن وقيعالار بولۋى مٷمكٸن.
قاجەتتٸ جيناقتا: ۇيالى تەلەفونعا ارنالعان قۋاتتاعىش جەنە قوسالقى باتارەيا, جىلى كيٸم مەن كٶرپە, ەينەكتەن قار مەن مۇزدى كەتٸرۋگە ارنالعان ششەتكا, قاجەت بولعان جاعدايدا دٶڭگەلەكتەردٸ قاردان تازالاۋ ٷشٸن كٸشكەنە كٷرەك, قول شامى جەنە وعان ارنالعان باتارەيالار جيىنتىعى, العاشقى كٶمەك جيناعى, تاماق پەن سۋسىن, بالتا جەنە جينالمالى ارا, «قۇرعاق جانارماي» قاپتاماسى, وتتىق جەنە شاعىن پەش بولۋى قاجەت.
– ادامدار قىستا الىس جولعا شىقپاس بۇرىن بۇدان ٶزگە تاعى دا نەنٸ ەسكەرۋ كەرەك?
– جولعا شىقپاس بۇرىن وتباسى مٷشەلەرٸنە, كٶرشٸلەرٸڭٸزگە, دوستارىڭىزعا ناقتىلانعان جٷرۋ مارشرۋتىن جەنە قايتۋدىڭ بولجامدى ۋاقىتىن حابارلاۋ قاجەت.
ەگەر جولدا قيىن جاعدايعا تاپ بولساڭىز, زاماناۋي بايلانىس قۇرالدارىن پايدالانۋ قاجەت, بۇل قۇتقارۋ بٶلٸمشەلەرٸنٸڭ جاۋاپ بەرۋ ۋاقىتىن ەدەۋٸر تەزدەتەدٸ. باتارەيانىڭ قۋاتىن ٷنەمدەۋگە تىرىسىڭىز.
– مەسەلەن, قىس ۋاقىتىندا جولدا كەنەت كٶلٸك بۇزىلىپ قالسا, جٷرگٸزۋشٸلەردٸڭ ەرەكەتٸ قانداي بولماق?
– ەگەر جولدا كٶلٸگٸڭٸز بۇزىلسا, كٶلٸكتٸڭ الدىنا جەنە ارتىنا ەسكەرتۋ بەلگٸلەرٸن قويىڭىز, بۇل كەسٸلگەن اعاش نەمەسە كەز كەلگەن ەرەكشەلەنەتٸن زاتتار بولۋى مٷمكٸن. ەگەر كٶلٸك جۇمىس ٸستەپ تۇرسا, جەلدەتۋ جەنە تٷتٸنمەن ۋلانۋدىڭ الدىن الۋ ٷشٸن ەينەكتٸ سەل اشىپ قويۋ كەرەك.
تٷتٸن كابينانىڭ جەنە سالوننىڭ اشىق تەرەزەلەرٸنە تٷسپەۋٸ ٷشٸن كٶلٸكتٸ جەلگە قارسى قويۋ كەرەك. تٷتٸن شىعۋ قۇبىرىنىڭ مۇزبەن جەنە قارمەن بٸتەلٸپ قالماۋىن قاداعالاڭىز.
ەگەر كٶلٸك بۇزىلعان بولسا, ٷرەيلەنبەڭٸز, «111» نەمەسە «101» جەدەل قىزمەتتەرٸنٸڭ بٸرىڭعاي نٶمٸرٸن تەرٸڭٸز, پروبلەماڭىز تۋرالى حابارلاڭىز جەنە ورنالاسقان جەرٸڭٸزدٸڭ كوورديناتتارىن بەرٸڭٸز. جىلۋدى ساقتاۋ جەنە قولدا بار ازىق-تٷلٸك قورىن ٷنەمدٸ پايدالانۋعا تىرىسىڭىز.
– قىسقا دەيٸن بۇل تٶتەنشە جاعدايلاردىڭ الدىن الۋ ٷشٸن قانداي شارالار جاسالادى?
– قىسقى كەزەڭدەگٸ تٶتەنشە جاعدايدىڭ الدىن الۋ ماقساتىندا باتىس قازاقستان وبلىسى تٶتەنشە جاعدايلار دەپارتامەنتٸ بٸرقاتار شارالار اتقارادى.
باتىس قازاقستان وبلىسىنىڭ حالقى مەن اۋماعىن قىسقى كەزەڭدەگٸ تٶتەنشە جاعدايلاردان قورعاۋ تۋرالى باتىس قازاقستان وبلىسى ەكٸمٸنٸڭ ٶكٸمٸن دايىنداپ, بەكٸتەدٸ. وسى ٶكٸممەن قىسقى كەزەڭدەگٸ تٶتەنشە جاعدايلاردىڭ الدىن الۋ جەنە جويۋ بويىنشا ٸس-شارالار جوسپارى جەنە وبلىستىق جەدەل شتاب قۇرامى بەكٸتٸلەدٸ.
اتالعان قۇجاتتار وبلىستىڭ بارلىق ۇيىمدارى مەن مەكەمەلەرٸنە جەنە ازاماتتىق قورعاۋ قىزمەتتەرٸنە, ولاردىڭ قۇرىلىمدارىنا ورىنداۋ ٷشٸن جولدانادى. جىل سايىن قىركٷيەك ايىندا وبلىستىق تٶتەنشە جاعدايلاردىڭ الدىن الۋ جەنە جويۋ كوميسسيياسىنىڭ وتىرىسى ٶتكٸزٸلٸپ, بارلىق مٷددەلٸ ۇيىمدارعا قىسقى كەزەڭدەگٸ تٶتەنشە جاعدايلاردىڭ الدىن الۋ بويىنشا ناقتى تاپسىرمالار بەرٸلەدٸ.
– قىستا تٶتەنشە جاعدايعا قارسى كٷرەستە ٶزگە دەپارتامەنتتەرمەن, ۇيىمدارمەن قانداي بٸرلەسكەن ەرەكەتتەر جاسايسىزدار?
– قازان ايىندا باتىس قازاقستان وبلىسى تٶتەنشە جاعدايلار دەپارتامەنتٸ قىزمەتكەرلەرٸ وبلىستىق پوليتسييا دەپارتامەنتٸمەن, جولاۋشىلار كٶلٸگٸ جەنە اۆتومومبيل جولدارى باسقارماسىمەن, «قازاۆتوجول» اق بقو فيليالىمەن بٸرگە اۆتوموبيل جولدارىنىڭ قىسقى كەزەڭگە دايىندىعىنا كوميسسييالىق تەكسەرٸستەر جٷرگٸزٸپ, انىقتالعان كەمشٸلٸكتەردٸ جويۋ ٷشٸن مٷددەلٸ ۇيىمدارعا تيٸستٸ اقپاراتتار جولدانادى.
باتىس قازاقستان وبلىسى تٶتەنشە جاعدايلار دەپارتامەنتٸنٸڭ ٶتٸمدٸلٸگٸ جوعارى كٶلٸكتەرٸ اۆتوموبيل جولدارىنىڭ قار باسۋ قاۋپٸ بار ۋچاسكەلەرٸنە بەكٸتٸلەدٸ.
بيىلعى جىلى 80 تەحنيكا بەكٸتٸلدٸ. جول قىزمەتتەرٸ مەن جەرگٸلٸكتٸ اتقارۋشى ورگاندار رەسپۋبليكالىق جەنە وبلىستىق ماڭىزداعى اۆتوموبيل جولدارىنىڭ بويىندا جىلىتۋ پۋنكتتەرٸن ۇيىمداستىرادى.
سونىمەن قاتار, قار قۇرساۋىندا قالىپ قويعان ازاماتتاردى ىستىق تاماقپەن قامتاماسىز ەتۋ ماقساتىندا جول بويىنشا ورنالاسقان كەمپينگتەرمەن جەنە تاماقتانۋ مەكەمەلەرٸمەن نيەت-شارتتار جاساسادى. ٶندٸرٸستٸك ۇيىمداردىڭ جەنە تٸرشٸلٸكتٸ قامتاماسىز ەتۋ بويىنشا كوممۋنالدىق قىزمەتتەردٸڭ پايدالانۋىنداعى جىلىتۋ زەڭبٸرەكتەرٸ مەن اۆتونومدىق ەلەكتر گەنەراتورلارىنىڭ سانى مەن تٸزٸمدەرٸن جاساقتاپ, قىس مەزگٸلٸندە پايدالانۋعا دايىندايدى.
جول قىزمەتتەرٸنٸڭ قىسقى مەزگٸلگە جولدارعا تٶسەلەتٸن ينەرتتٸ ماتەريالدار مەن جانار-جاعارماي قورىن, قار ۇستاۋ قالقاندارىن دايىنداۋىنا باقىلاۋ جٷرگٸزٸلەدٸ.
سۇحباتتاسقان قۋانىش ەرمەكوۆا
