سوت وتىرىسىندا مارقۇمداردىڭ تۋىسى ەدەمٸ شىلماعامبەتوۆا جاۋاپ بەردٸ. ونىڭ ايتۋىنشا, ناۋرىز مۇقانعاليەۆكە تيەسٸلٸ مال ساتىلا باستاعاننان كەيٸن ولار كٷدٸكتەنە باستاعان, دەپ dalanews.kz تٸلشٸسٸ "اق جايىق" باسىلىمىنا سٸلتەمە جاساپ حابارلايدى.
ەيەلدٸڭ سٶزٸنشە, ول ناۋرىزبەن ۇيالى بايلانىس ارقىلى حابارلاسا الماعان. تەلەفونى ٶشٸرۋلٸ بولعان. الايدا WhatsApp ارقىلى حابارلامالار كەلٸپ تۇرعان.
ەدەمٸ شىلماعامبەتوۆانىڭ ايتۋىنشا, ٶتكەن جىلدىڭ قاراشا ايىنان باستاپ سۇلتان سەرسەمەليەۆ ٶزٸن ناۋرىز رەتٸندە تانىستىرىپ, تۋىستارىنا حات جازعان. ول حابارلامالاردا ەنەسٸ نەسٸپ ٶتەشقاليەۆانىڭ (ناۋرىز مۇقانعاليەۆتٸڭ اناسى – رەد.) اياعى اۋىرىپ, ونى ەمدەتۋ ٷشٸن تاشكەنتكە اپارىپ جاتقانىن ايتقان. سونداي-اق ەمگە اقشا كەرەك بولعاندىقتان, وتباسىنىڭ ٷي مالىن ساتا باستاعانى تٷسٸندٸرٸلگەن.
ادۆوكاتتىڭ سۇراقتارىنا جاۋاپ بەرگەن ەدەمٸ شىلماعامبەتوۆا اقبايان مۇقانعاليەۆانىڭ كٷيەۋٸنەن تاياق جەگەنٸن وعان ەشقاشان ايتپاعانىن جەتكٸزدٸ.
"مەن ودان: "ويلانىپ كٶر, نەگە كەتٸپ بارا جاتىرسىڭ, بەسٸنشٸ بالاڭا جٷكتٸ ەمەسسٸڭ بە?" دەپ سۇرادىم. ول سۇلتاننىڭ باسقا ەيەلمەن تٶسەكتە جاتقان سۋرەتٸن جٸبەرگەننەن كەيٸن اجىراسۋعا شەشٸم قابىلداعانىن ايتتى", – دەدٸ ول سوتتا.
سونداي-اق مارقۇمداردىڭ تۋىسى ايىپتالۋشىنىڭ ناۋرىز مۇقانعاليەۆتٸڭ ٶلٸمٸ ابايسىزدا بولدى دەگەن نۇسقاسىمەن كەلٸسپەيتٸنٸن مەلٸمدەدٸ.
ونىڭ سٶزٸنشە, ناۋرىز "ٶزٸ جانجال شىعاراتىن ادام بولماعان".
ەدەمٸ شىلماعامبەتوۆا الدىن الا تىڭداۋدا سەرسەمەليەۆ ايتقان مەلٸمدەمەگە دە پٸكٸر بٸلدٸردٸ. بۇعان دەيٸن ايىپتالۋشى قىلمىسقا اقباياننىڭ تۋىستارى ولاردىڭ قارىم-قاتىناسىنا ارالاسقانى سەبەپ بولدى دەگەن ۋەج ايتقان.
"بۇل تۇتاس بٸر وتباسىن جويۋعا سەبەپ بولا الا ما?" – دەدٸ ول سوت زالىندا.
بۇعان دەيٸن سەرسەمەليەۆ ماقسوت قارابالينگە 9 رەت, نەسٸپ ٶتەشقاليەۆاعا 8 رەت, ال مەيرامگٷل قاراباليناعا 32 رەت پىشاق سۇققانىن مويىنداعان. الايدا ناۋرىز مۇقانعاليەۆتٸڭ ٶلٸمٸن قاساقانا جاسالماعان ەرەكەت دەپ اتاعان.
