زەرتتەۋ ناتيجەسىندە قازاقستاندا پاتەر الۋ ءۇشىن قانشا جىل اقشا جيناۋ قاجەتتىگى انىقتالدى. پاتەر الۋ ءۇشىن قازاقستاندىقتار 14 جىل بويى اقشا جيناۋ كەرەك، دەلىنگەن Ranking.kz اناليتيكالىق پورتالىنىڭ زەرتتەۋىندە. بۇل جايىندا  Sputnik قازاقستان سايتى حابارلايدى.

تۇرعىن ءۇي كەزەگىنەن كىمدەر شىعارىلاتىنى بەلگىلى بولدى "بيىلعى جىلدىڭ العاشقى ءتورت ايى ىشىندە جاڭادان سالىنعان باسپانا باعاسى 1،1%-عا قىمباتتادى. باعانىڭ ارتۋى قاراپايىم قازاقستاندىقتىڭ باسپاناعا قول جەتكىزۋ ءۇشىن قاراجات جيناۋ مۇمكىندىگىن شەكتەيدى. ءقازىر ءبىر بولمەلى پاتەر ساتىپ الۋ ءۇشىن تۇراقتى جۇمىسى بار قازاقستاندىق 14 جىل بويى جالاقىسىنىڭ 30%-ن جيناپ وتىرۋى ءتيىس"، — دەلىنگەن زەرتتەۋ ناتيجەلەرىندە. بيىلعى جىلى ءقاڭتار-ساۋىر ايلارى ىشىندە جاڭا پاتەر باعاسى ورتاشا ەسەپپەن 1،1%-عا قىمباتتاعان، بۇل ءبىر شارشى مەتر 250،1 مىڭ تەڭگە تۇرادى دەگەن ءسوز.