قر بەسەكەلەستٸكتٸ قورعاۋ جەنە دامىتۋ اگەنتتٸگٸ "كسەلل" اق, "موبايل تەلەكوم-سەرۆيس" جشس (Tele2/Altel) جەنە "كار-تەل" جشس (Beeline) وپەراتورلارىنا قاتىستى تەرگەپ-تەكسەرۋدٸ دوعاردى. اتالعان كومپانييالار اگەنتتٸكتٸڭ شەشٸمٸنە قارسى سوتقا ارىزداندى. ەسەسٸنە, اگەنتتٸك ەندٸ "قازاقتەلەكوم" اق-عا قاتىستى وسىنداي زاڭ بۇزۋشىلىق بەلگٸلەرٸ بويىنشا تەرگەپ-تەكسەرۋدٸ باستادى, دەپ جازادى Dalanews.kz.
"2023 جىلى ۇيالى بايلانىس قىزمەتتەرٸنٸڭ باعاسىنىڭ ٶسۋ فاكتٸلەرٸن قاراۋ اياسىندا "كسەلل" اق, "موبايل تەلەكوم-سەرۆيس" جشس (Tele2/Altel) جەنە "كار-تەل" جشس (Beeline) وپەراتورلارىنا قاتىستى كەسٸپكەرلٸك كودەكستٸڭ 170-بابى بويىنشا, تاريفتەردٸڭ كەلٸسٸلگەن تٷردە كٶتەرٸلۋٸنە قاتىستى تەرگەپ-تەكسەرۋلەردٸ باستادى. سونىمەن قاتار, ۇيالى بايلانىس وپەراتورلارىنىڭ تاريفتٸك جوسپارلاردا بٸر مينۋتتىق قوڭىراۋ قۇنىنىڭ 18 تەڭگە مٶلشەرٸندە بٸردەي باعاسىن بەلگٸلەۋ ەرەكەتتەرٸندە قۇقىق بۇزۋشىلىق بەلگٸلەرٸ انىقتالعانىنا بايلانىستى, وپەراتورلارعا وسى بەلگٸلەردٸ جويۋ تۋرالى حابارلامالار جٸبەرٸلدٸ. حابارلامالاردا باعانى نەگٸزدەلگەن تٷردە تٶمەندەتۋ قاجەتتٸگٸ كٶرسەتٸلگەن", - دەيدٸ اگەنتتٸكتٸڭ باسپاسٶز قىزمەتٸ.
قازٸرگٸ ۋاقىتتا قر ەكٸمشٸلٸك رەسٸمدٸك-پروتسەستٸك كودەكسٸ اياسىندا ۇيالى بايلانىس وپەراتورلارى قابىلدانعان شارالارعا قاتىستى سوت ورگاندارىنا شاعىم تٷسٸرگەن. وسىعان بايلانىستى تەرگەۋ ٸستەرٸ تيٸستٸ سوت شەشٸمدەرٸ قابىلدانعانعا دەيٸن توقتاتىلدى.
اگەنتتٸك 2024 جىلعى 19 قاراشادا استانا قالاسى بويىنشا دەپارتامەنتٸ "كار-تەل" جشس-عا قاتىستى ٷي ينتەرنەتٸنٸڭ جىلدامدىعىن تاريفتٸك پاكەتتەردە تاڭداۋعا تۇتىنۋشىلاردى شەكتەۋ ارقىلى ٷستەم جاعدايدى تەرٸس پايدالانۋ بەلگٸلەرٸن جويۋ تۋرالى حابارلاما جولداعانىن ەسكە سالادى.
سونىمەن قاتار, "قازاقتەلەكوم" اق-عا قاتىستى وسىنداي زاڭ بۇزۋشىلىق بەلگٸلەرٸ بويىنشا تەرگەپ-تەكسەرۋ باستالدى.
"2024 جىلى باعانىڭ ٶسۋ فاكتٸلەرٸ بويىنشا اگەنتتٸك اعىمداعى كەزەڭدەگٸ باعا ديناميكاسىنا تالداۋ جٷرگٸزەدٸ. ونىڭ نەتيجەلەرٸ بويىنشا زاڭنامادا بەلگٸلەنگەن تەرتٸپپەن قۇقىقتىق شارا قولدانىلادى. سونداي-اق 2024 جىلعى جەلتوقساننان باستاپ تاريفتەردٸڭ كٶتەرٸلۋٸ تۋرالى وپەراتورلاردىڭ باق-تا جارييالانىمدارىنا بايلانىستى, اگەنتتٸك ۇيالى بايلانىس وپەراتورلارىنا قازاقستان رەسپۋبليكاسىنىڭ بەسەكەلەستٸكتٸ قورعاۋ سالاسىنداعى زاڭناماسىن بۇزۋعا جول بەرمەۋ تۋرالى ەسكەرتۋلەر جٸبەردٸ", دەلٸنگەن اگەنتتٸك تٷسٸنٸكتەمەسٸندە.
