باس پروكۋراتۋرا قىزىلوردا وبلىسىندا ەكى پروكۋراتۋرا قىزمەتكەرىنىڭ ۇستالعانى جونىندەگى اقپاراتقا تۇسىنىكتەمە بەردى، دەپ حابارلايدى Dalanews.kz Tengrinews.kz-كە سىلتەپ.
بۇعان دەيىن الەۋمەتتىك جەلىدە ۇقك قىزىلوردا وبلىسىندا پروكۋراتۋرا ورگاندارىنىڭ ەكى قىزمەتكەرىن ۇستاعانى تۋرالى اقپارات تاراعان ەدى. بەلگىلى بولعانداي، ولاردىڭ ءبىرى — قىزىلوردا وبلىسى پروكۋراتۋراسىنىڭ قىزمەتكەرى — ەسىرتكى زاتتارىنىڭ زاڭسىز اينالىمىنا قاتىسى بار دەگەن كۇدىككە ىلىنگەن. ەكىنشى ادام — ۇلىتاۋ وبلىسىنىڭ پروكۋرورى دەگەن بولجام بار — ول قىلمىستىق ءىستى شەشۋگە كومەكتەسكەنى ءۇشىن ءبىر ميلليون تەڭگە پارا العان دەگەن كۇدىككە ىلىككەن.
رەداكسيانىڭ ساۋالىنا جاۋاپ بەرگەن باس پروكۋراتۋرا كۇدىكتى دەپ تانىلعان ادامنىڭ ۇستالعان ساتتە قۇقىق قورعاۋ ورگاندارىنىڭ قىزمەتكەرى بولماعانىن حابارلادى.
«سونىمەن قاتار، قىزىلوردا وبلىسى بويىنشا ۇقكد مەن باس پروكۋراتۋرانىڭ ىشكى قاۋىپسىزدىك دەپارتامەنتى بىرلەسىپ جۇرگىزگەن جەدەل ءىس-شارالار ناتيجەسىندە ۇلىتاۋ وبلىسىندا قىلمىستىق كودەكستىڭ 190-بابى («الاياقتىق») بويىنشا سوتقا دەيىنگى تەرگەۋ تىركەلدى. قىلمىستىق-پروسەستىك كودەكستىڭ 201-بابىنا سايكەس، باسقا اقپارات جاريا ەتىلمەيدى»، – دەپ مالىمدەدى ۆەدومستۆو.
