جۋرناليست جەنە قوعام قايراتكەرٸ دۋمان مۇحامەدكەرٸمنٸڭ ٸسٸن باس پروكۋراتۋرا قايتا قارايدى. بۇل تۋرالى كينورەجيسسەر ەركٸن راقىشەۆ مەلٸمدەدٸ, دەپ حابارلايدى Dalanews.kz.
"دۋمان مۇحامەدكەرٸمنٸڭ ەكەسٸ الماس اعامەن (الماس تٸلەۋوۆ – رەد.) بٸرگە باس پروكۋراتۋرا باسشىلىعىمەن كەزدەستٸك. كەزدەسۋ بارىسىندا دۋماندى جەتٸ جىلعا دەلەلسٸز سوتتاعانى تۋرالى ناقتى دەرەكتەردٸ ۇسىندىق. باس قاداعالاۋ ورگانىنىڭ باسشىلىعى بۇل ٸستٸ مۇقييات تەكسەرۋگە ۋەدە بەردٸ", – دەپ جازدى راقىشەۆ ەلەۋمەتتٸك جەلٸدەگٸ پاراقشاسىندا.
ايتا كەتەيٸك, دۋمان مۇحامەدكەرٸم 2023 جىلى ناۋرىزدا مەجٸلٸس سايلاۋىنىڭ نەتيجەلەرٸنٸڭ بۇرمالانۋىنا قارسى شىققاننان كەيٸن قاماۋعا الىندى. ول پارلامەنتتٸك سايلاۋ قورىتىندىلارىمەن كەلٸسپەيتٸنٸن بٸلدٸرٸپ, ميتينگكە شىعاتىنىن مەلٸمدەگەنٸ ٷشٸن 25 تەۋلٸككە قامالعان. كەيٸن, 1 مامىردا قايتا ۇستالىپ, "ەكسترەميزمدٸ قارجىلاندىرۋ" ٸسٸ بويىنشا ەكٸ ايعا قاماۋعا الىندى.
2023 جىلى 15 شٸلدەدە قازتاگ اگەنتتٸگٸ جۋرناليستٸڭ تەرگەۋ يزولياتورىندا دەنساۋلىعى ناشارلاعانىن حابارلادى. ال 2024 جىلعى 12 اقپاندا قوناەۆ قالاسىندا ونىڭ سوتى باستالدى. 26 اقپاندا مۇحامەدكەرٸم ٶزٸن ازاپتاعانىن مەلٸمدەسە, 5 ناۋرىزدا قازتاگ ونى ازاپتاۋ ٸسٸ بويىنشا جەبٸرلەنۋشٸ دەپ تانىلعانىن جازدى.
2024 جىلعى 2 تامىزدا قوناەۆ قالاسىنىڭ سوتى دۋمان مۇحامەدكەرٸمدٸ "ەكسترەميزمدٸ قارجىلاندىرۋ" جەنە "تىيىم سالىنعان ۇيىمنىڭ قىزمەتٸنە قاتىسۋ" باپتارى بويىنشا جەتٸ جىلعا باس بوستاندىعىنان ايىردى.
