قادٸرلٸ مۇسىلمان قاۋىم!
سٸزدەردٸ يسٸ مۇسىلمان بالاسىنىڭ ۇلىق مەرەكەسٸ – ورازا ايتپەن شىن جٷرەكتەن قۇتتىقتايمىن! ايت قابىل بولسىن!
وتباسىڭىزعا باقىت پەن بەرەكە, دەنٸڭٸزگە ساۋلىق, جۇمىسىڭىزعا تابىس تٸلەيمٸن.
ورازا ايت – جٷرەككە قۋانىش پەن مەيٸرٸم سىيلايتىن, ادامزات بالاسىن ٸزگٸلٸككە, دوستىق پەن باۋىرلاستىققا, قاناعات پەن قايىرىمدىلىققا ٷندەيتٸن مەيرام.
ايت سٶزٸ – مەرەكەلەۋ, حال سۇراسۋ, بٸر-بٸرٸن قۋانتۋ, قۋانىشقا توپتالۋ, قارىمتا دەگەن ۇعىمدى بٸلدٸرەدٸ. ورازا ايت – قاسيەتتٸ رامازان ايىنىڭ اياقتالعانىن بٸلدٸرەتٸن مەرەكە.
جەر بەتٸندەگٸ كٷللٸ مۇسىلمان ٷمبەتٸ ايت كٷندەرٸ حال سۇراسىپ, بٸر-بٸرٸن قۇتتىقتاپ, مەرە-سەرە كٷي كەشەدٸ. سونىمەن قاتار, كٶمەككە مۇقتاج جاندارعا جەردەمدەسٸپ, ولاردى دا قۋانىشقا بٶلەيدٸ.
اللا تاعالا: «...ولار مەن ٷشiن ورازا ۇستادى, مەنiڭ پەرمەنiممەن اۋىز اشتى, ەندi قۋانىشقا كەنەلسiن...» دەيدٸ. جاراتۋشى يەمٸز سٸز بەن بٸزدٸڭ قۋانىشتى كٷندەرٸمٸزدٸ ەسەلەي تٷسسٸن دەپ تٸلەيمٸن.
ورازا ايت – وتباسىلىق مەرەكە. ايت كٷندەرٸ اتا-انامىزدى, ۇل-قىزدارىمىزدى, اعا-باۋىرلارىمىزدى قۋانىشقا كەنەلتٸپ, قاراۋسىز قالعان قارتتارعا, جەتٸمدەر مەن مٷگەدەك جاندارعا كٶمەكتەسۋدٸڭ ساۋابى مول.
قازاقستان مۇسىلماندارى دٸني باسقارماسى قاسيەتتٸ رامازان ايىندا ەلٸمٸز بويىنشا اۋىزاشار قوراپتارىن تاراتىپ, قايىرىمدىلىق جوبالاردى جٷزەگە اسىردى. ساۋاپتار ەسەلەنٸپ جازىلاتىن بەرەكەلٸ ايدا يگٸ ٸسكە اتسالىسقان ەرٸكتٸلەرگە, دەمەۋشٸ ازاماتتار مەن جومارت جاندارعا ريياسىز نيەتپەن ايرىقشا العىسىمدى بٸلدٸرەمٸن.
ەلٸمٸزدەگٸ پاندەمييالىق جاعدايدى ەسكەرٸپ, دٸني باسقارمانىڭ پەتۋاسى مەن مەشٸت تەرتٸبٸنە باعىنىپ, قۇلشىلىعىن ٷيدە ورىنداپ, ورازاسىن وقشاۋ تٷردە ۇستاعان جاماعاتقا دا اللا رازى بولسىن ايتامىن!
قۇرمەتتٸ جاماعات!
اللا تاعالا وتىز كٷن بويى ۇستاعان ورازامىزدى, جاساعان دۇعامىزدى, جەردەمگە مۇقتاج جاندارعا ٷلەستٸرگەن ساداقامىزدى قابىل ەتكەي!
ەر وتباسىنا اماندىق, جاقسىلىق تٸلەيمٸن. ورازادان ورازاعا دەيٸن امان-ەسەن جەتە بەرەيٸك! جەر بەتٸنەن جۇقپالى دەرت جويىلىپ, مەرەكەلٸ, بەرەكەلٸ سەتتەردە جٷزدەسۋدٸ جازعاي! ەلٸمٸز امان, جۇرتىمىز تىنىش بولعاي! ەمين!
ناۋرىزباي قاجى تاعانۇلى,
قازاقستان مۇسىلماندارى دٸني باسقارماسىنىڭ تٶراعاسى, باس مٷفتي
