اقتاۋ قالالىق سوتىنىڭ ءتوراعاسى ۇستالدى، - دەپ حابارلايدى Dalanews.kz.
سىبايلاس جەمقورلىققا قارسى ءىس-قيمىل اگەنتتىگى ق ر قپك 550-بابىنا سايكەس باس پروكۋرورمەن كەلىسىلگەن سوتقا دەيىنگى تەرگەۋ شەڭبەرىندە ماڭعىستاۋ وبلىسىنىڭ قىلمىستىق ىستەر جونىندەگى اقتاۋ قالالىق سوتىنىڭ ءتوراعاسىن ۇستادى.
"ول سەنىمدى ادام، ياعني اقتاۋ قالاسىنىڭ تۇرعىنى ارقىلى سوتتالۋشىدان وعان قاتىستى باس بوستاندىعىنان ايىرۋدان باسقا جازاعا ۇكىم شىعارۋ سىلتاۋىمەن 18 ميلليون تەڭگە كولەمىندە اقشالاي قاراجات العان. قىلمىسقا قاتىسۋشى قاماۋعا الىنىپ، اقتاۋ قالاسىنىڭ تەرگەۋ يزولياتورىنا قامالدى"، - دەپ جازىلعان حابارلامادا.
انتيكور قىلمىستىق-پروسەستىك كودەكستىڭ 201-بابىنا سايكەس وزگە اقپاراتتى جاريا ەتپەدى.
