Aqtaý qalalyq sotynyń tóraǵasy ustaldy, - dep habarlaidy Dalanews.kz.
Sybailas jemqorlyqqa qarsy is-qimyl agenttigi QR QPK 550-babyna sáikes Bas prokýrormen kelisilgen sotqa deiingi tergeý sheńberinde Mańǵystaý oblysynyń qylmystyq ister jónindegi Aqtaý qalalyq sotynyń tóraǵasyn ustady.
"Ol senimdi adam, iaǵni Aqtaý qalasynyń turǵyny arqyly sottalýshydan oǵan qatysty bas bostandyǵynan aiyrýdan basqa jazaǵa úkim shyǵarý syltaýymen 18 million teńge kóleminde aqshalai qarajat alǵan. Qylmysqa qatysýshy qamaýǵa alynyp, Aqtaý qalasynyń tergeý izoliatoryna qamaldy", - dep jazylǵan habarlamada.
Antikor Qylmystyq-protsestik kodekstiń 201-babyna sáikes ózge aqparatty jariia etpedi.
