داستان سەكەنوۆ ۆلاديسلاۆ چەلاح جىل سايىن حالىققا مالىمدەمە جاساپ، بۇرىن بەلگىسىز بولعان جايتتاردى حابارلاۋعا دايىن ەكەنىن، الايدا بۇل مالىمدەمەدە جاڭالىق جوعىن ايتتى.
«چەلاحقا قاتىستى سوت ۇكىمى 2012 جىلى زاڭدى كۇشىنە ەندى. ودان كەيىن قانشا ۋاقىت ءوتتى. كەيىن ول بەلگىلەنگەن تارتىپپەن باس پروكۋراتۋراعا، باس اسكەري پروكۋراتۋراعا جانە جوعارعى سوتقا شاعىمداندى. ول جاڭا دالەل كەلتىرمەدى. سوندىقتان ءبىز بۇل وتىنىشتەردى قاناعاتتاندىرمادىق. بۇل جاعدايعا قاتىستى جاڭا اقپارات تا جوق. جىل سايىن ول حالىققا مالىمدەمە جاساپ، جاڭا مالىمەتتەر جاريالايتىنىن ايتادى. ءبىراق وندا جاڭا اقپارات جوق»، – دەدى داستان سەكەنوۆ.
ءتىلشى قاۋىمىنىڭ «چەلاحتىڭ 10 جىل وتە دە، سوت ۇكىمىمەن نەگە كەلىسە المايتىنىن جانە تەرگەۋ ورگاندارى ءىستى تەرگەۋدە قاتەلىك جىبەرىپ الۋى مۇمكىن بە؟» دەگەن سۇراعىنا: «بۇل ادامنىڭ پسيحولوگيالىق ەرەكشەلىكتەرىنە بايلانىستى بولۋى مۇمكىن. ادام ءۇشىن جاپپاي كىسى ءولتىرۋ قالىپتى جاعداي ەمەس»، – دەپ جاۋاپ بەردى. باس اسكەري پروكۋرور چەلاحتىڭ پسيحولوگيالىق تۇرعىداعى جاعدايىنا قاتىستى «بەلگىلەنگەن ءتارتىپ بار جانە سوتتالۋشى مەرزىمدى تۇردە تەكسەرىلۋدەن وتەدى، ونىڭ بارلىق شاعىمى قۇزىرلى ورگاندارعا جىبەرىلەدى»، – دەدى.
«ساراپتاما بويىنشا، ول پسيحيكالىق تۇرعىدا ساۋ دەپ تانىلدى، ءبىراق تۇلعالىق قاسيەتتەر بار. ءيا. مەن پروسەسسكە قاتىستىم، ول اشىق ءوتتى، بارلىق قىلمىستىق-پروسەسسۋالدىق نورما ساقتالدى»، – دەدى ول.
قازاقستان تاريحىندا كوپ ادامنىڭ ءولىمى بويىنشا سوتتالۋشى بۇعان دەيىن حاتىندا قاندى «ارقانكەرگەننىڭ» بۇرىن بەلگىسىز بولعان جايتتارىن حابارلاۋعا دايىن ەكەنىن مالىمدەگەن بولاتىن. ەندى 10 جىل بۇرىنعى ءىستىڭ ارحيۆ ماتەريالدارى باس پروكۋراتۋرادا قارالادى.
2012 جىلعى مامىردا الماتى وبلىسىنداعى بيىك تاۋلى شەكارا بەكەتىندە 14 شەكاراشى مەن قورىقشى ءولى تابىلعان بولاتىن. ارقانكەرگەننىڭ ون بەسىنشى اسكەري قىزمەتكەرى ۆلاديسلاۆ چەلاح بىرنەشە كۇننەن كەيىن تابىلدى. ول باستى كۇدىكتى بولدى. سول جىلعى جەلتوقساندا سوت ونى ءومىر بويىنا باس بوستاندىعىنان ايىردى.
