Dastan Sekenov Vladislav Chelah jyl saiyn halyqqa málimdeme jasap, buryn belgisiz bolǵan jaittardy habarlaýǵa daiyn ekenin, alaida bul málimdemede jańalyq joǵyn aitty.
«Chelahqa qatysty sot úkimi 2012 jyly zańdy kúshine endi. Odan keiin qansha ýaqyt ótti. Keiin ol belgilengen tártippen Bas prokýratýraǵa, Bas áskeri prokýratýraǵa jáne Joǵarǵy sotqa shaǵymdandy. Ol jańa dálel keltirmedi. Sondyqtan biz bul ótinishterdi qanaǵattandyrmadyq. Bul jaǵdaiǵa qatysty jańa aqparat ta joq. Jyl saiyn ol halyqqa málimdeme jasap, jańa málimetter jariialaitynyn aitady. Biraq onda jańa aqparat joq», – dedi Dastan Sekenov.
Tilshi qaýymynyń «Chelahtyń 10 jyl óte de, sot úkimimen nege kelise almaitynyn jáne tergeý organdary isti tergeýde qatelik jiberip alýy múmkin be?» degen suraǵyna: «Bul adamnyń psihologiialyq erekshelikterine bailanysty bolýy múmkin. Adam úshin jappai kisi óltirý qalypty jaǵdai emes», – dep jaýap berdi. Bas áskeri prokýror Chelahtyń psihologiialyq turǵydaǵy jaǵdaiyna qatysty «belgilengen tártip bar jáne sottalýshy merzimdi túrde tekserilýden ótedi, onyń barlyq shaǵymy quzyrly organdarǵa jiberiledi», – dedi.
«Saraptama boiynsha, ol psihikalyq turǵyda saý dep tanyldy, biraq tulǵalyq qasietter bar. Iá. Men protsesske qatystym, ol ashyq ótti, barlyq qylmystyq-protsessýaldyq norma saqtaldy», – dedi ol.
Qazaqstan tarihynda kóp adamnyń ólimi boiynsha sottalýshy buǵan deiin hatynda qandy «Arqankergenniń» buryn belgisiz bolǵan jaittaryn habarlaýǵa daiyn ekenin málimdegen bolatyn. Endi 10 jyl burynǵy istiń arhiv materialdary Bas prokýratýrada qaralady.
2012 jylǵy mamyrda Almaty oblysyndaǵy biik taýly shekara beketinde 14 shekarashy men qoryqshy óli tabylǵan bolatyn. Arqankergenniń on besinshi áskeri qyzmetkeri Vladislav Chelah birneshe kúnnen keiin tabyldy. Ol basty kúdikti boldy. Sol jylǵy jeltoqsanda sot ony ómir boiyna bas bostandyǵynan aiyrdy.
