Qazaqstan musylmandary dini basqarmasy 2011 jyly 14 jylǵa sottalǵan Ismatýlla Maqsum men onyń jaqtastarynyń QMDB-ǵa eshqandai qatysy joq ekenin málimdedi, dep habarlaidy dalanews.kz.
Buǵan deiin internet platformalarynda jariialanǵan birneshe suhbatta Ismatýlla Maqsumnyń medresede qyzmet etken kezinde balalarǵa zorlyq-zombylyq kórsetkeni týraly aitylǵan edi. Bul málimdemeler qoǵamda qyzý talqylanyp jatyr.
"Ismatýlla Maqsum men onyń qoldaýshylarynyń áreketi men dini ustanymy Qazaqstan musylmandary dini basqarmasynyń ustanymyna sáikes kelmeidi. Olardyń QMDB-ǵa eshqandai qatysy joq", – delingen resmi habarlamada.
Dini basqarma islamda adamǵa zorlyq-zombylyq kórsetý, qorqytý, májbúrleý jáne ózgeniń aqysyna qol suǵý aýyr kúná sanalatynyn eske saldy.
Sondai-aq múftiiat Qoja Ahmet Iasaýidiń esimi men rýhani murasyn jekelegen adamdardyń nemese toptardyń teris dini maqsatta paidalanýyna jol berýge bolmaitynyn atap ótti.
"Qoja Ahmet Iasaýi babamyzdyń murasy – halqymyzdyń san ǵasyrlyq rýhani qazynasy. Halqymyzdy din atyn jamylyp, tek óziniń dini ustanymyn durys sanaityn, adamdy ózine táýeldi etip, soqyr senimge jeteleitin kez kelgen ortadan saq bolýǵa shaqyramyz", – dep málimdedi QMDB.
