اتىراۋدا بٸر وتباسىنىڭ ٶلٸمٸنە قاتىستى اتىشۋلى سوت پروتسەسٸ جالعاسىپ جاتىر. بٷگٸنگٸ وتىرىستا ايىپتالۋشى سۇلتان سەرسەمەليەۆ ناۋرىز مۇقانعاليەۆ پەن مەيرامگٷل قارابالينانىڭ ٶلٸمٸنە قاتىستى جاۋاپ بەردٸ, دەپ حابارلايدى dalanews.kz.
سوت بارىسىندا ناۋرىز مۇقانعاليەۆتٸڭ وقيعا ورنىندا بٸردەن كٶز جۇمباعانى ايتىلدى. ايىپتالۋشىنىڭ سٶزٸنشە, ول مۇنداي جاعدايعا ٶمٸرٸندە العاش رەت تاپ بولعان.
"ناۋرىز بٸردەن قايتىس بولعان جوق. ٶمٸرٸمدە بٸرٸنشٸ رەت وسىنداي جاعداي بولدى. بۇرىن مال دا سويىپ كٶرمەگەنمٸن", – دەدٸ سەرسەمەليەۆ.
ونىڭ ايتۋىنشا, بولعان وقيعادان كەيٸن ول بٸراز ۋاقىت اۋلادا وتىرىپ, نە ٸستەرٸن بٸلمەي قالعان. كەيٸن ٷيگە قايتا كٸرگەندە ناۋرىزدىڭ ەدەندە جاتقانىن كٶرگەن.
ايىپتالۋشى سول سەتتە مارقۇم تٸرٸ قالۋى مٷمكٸن دەپ ويلاعانىن, بٸراق كەيٸن ونىڭ بەرٸن تۋىستارىنا ايتىپ بەرەدٸ دەپ قورىققانىن جەتكٸزدٸ. سەرسەمەليەۆ پوليتسييا شاقىرۋدى دا ويلاعانىن, الايدا بەس بالاسىن ەسٸنە الىپ, ۇزاق ۋاقىت شەشٸم قابىلداي الماعانىن ايتتى.
سوتتا ول مەيرامگٷل قارابالينانىڭ ٶلٸمٸنە قاتىستى دا جاۋاپ بەردٸ. ايىپتالۋشىنىڭ سٶزٸنشە, مەيرامگٷل اتا-اناسى قايتىس بولعاننان كەيٸن جانگەلدين اۋىلىنان ەكەلٸنٸپ, اقبايانعا كٶمەكتەسۋ ٷشٸن ٷيدە بولعان. كەيٸن ەكەۋٸنٸڭ اراسىندا جانجال شىققان.
سەرسەمەليەۆ مەيرامگٷلدٸڭ ٶزٸنە اۋىر سٶز ايتقانىن, سودان كەيٸن اشۋعا ەرٸك بەرگەنٸن مەلٸمدەدٸ.
"ول كەزدە ەشقانداي ٶكٸنٸش بولعان جوق. ٷش ادامدى ٶلتٸرگەننەن كەيٸن بەرٸبٸر بولىپ كەتەدٸ ەكەن", – دەدٸ ايىپتالۋشى سوتتا.
ٸس ماتەريالدارىندا مەيرامگٷلدٸڭ ٶلٸمٸنە بۇعان دەيٸن ماۇسوت قارابالين مەن نەسٸپ مۇقانعاليەۆانىڭ قازاسىنا قولدانىلعان پىشاق پايدالانىلعانى كٶرسەتٸلگەن.
ايىپتالۋشى قىلمىستان كەيٸن مەيرامگٷلدٸڭ دەنەسٸن ناۋرىز مۇقانعاليەۆتٸڭ مەيٸتٸ جاسىرىلعان جەرگە اپارىپ كٶمگەنٸن ايتتى.
ەسكە سالايىق, بۇعان دەيٸن سوتتا سەرسەمەليەۆتٸڭ جۇبايى اقبايان مۇقانعاليەۆانىڭ العاشقى جاۋابىنىڭ بەينەجازباسى كٶرسەتٸلگەن ەدٸ. وندا ول بولعان جاعدايدى تٷسٸنبەيتٸنٸن ايتقان.
