مەجٸلٸس دەپۋتاتى باقىتجان بازاربەك الماتىدا ٶتكەن "قايرات" – "رەال مادريد" كەزدەسۋٸنە قاتىستى پٸكٸر بٸلدٸردٸ. ول ويىننىڭ ٶزٸنە ەمەس, ۇيىمداستىرۋ ساپاسىنا نازار اۋداردى, دەپ حابارلايدى Dalanews.kz.
دەپۋتاتتىڭ ايتۋىنشا, ستاديونعا كٸرۋ پروتسەسٸ ناشار دەڭگەيدە ۇيىمداستىرىلعان.
"كٸرەبەرٸستەگٸ جاعداي بەس بالدىق شكالامەن باعالار بولساق, مٷلدەم قاناعاتتانارلىق ەمەس. بيلەتٸ بار جانكٷيەرلەردٸڭ ٶزٸ ٸشكە كٸرە الماي, ٷلكەن كەزەك پەن دٷربەلەڭ تۋىندادى. قاتاردا بالالار دا بولدى. سوبر, ٸٸم مەن ٸشكٸ ەسكەر قىزمەتكەرلەرٸ كٶپتەپ تۇرعانىنا قاراماستان, ولار ەشقانداي كٶمەك كٶرسەتپەي, تەك قاراپ تۇردى. جانكٷيەرلەردٸ تەزٸرەك كٸرگٸزۋگە بولار ەدٸ", – دەدٸ ول.
ۇيىمداستىرۋشىلار مۇنى كەزەكتە كٶپتەگەن "بيلەتسٸزدەردٸڭ" تۇرعانىمەن تٷسٸندٸرگەن. الايدا دەپۋتاتتىڭ پٸكٸرٸنشە, داۋىس زورايتقىشتى قولدانىپ, قولىندا بيلەتٸ بارلاردى بٸرٸنشٸ كەزەكتە ٶتكٸزۋ كەرەگٸن حابارلاۋ قاجەت ەدٸ.
نەتيجەسٸندە ويىن ساعات 21:30–21:45 ارالىعىندا باستالدى. كٶپتەگەن جانكٷيەر الاڭعا 5, 10, 15, تٸپتٸ 20 مينۋتتان كەيٸن عانا كٸرگەن.
"جۋرناليست ميحايل كوزاچكوۆ تا ۇيىمداستىرۋ تٶمەن دەڭگەيدە بولعانىن اتاپ ٶتتٸ. بۇعان قوسا, بيلەتتەردٸڭ باعاسى ٶتە قىمبات بولدى. اقشا تٶلەگەن ادامدار ەڭ بولماعاندا مينيمالدى جايلىلىقتى كٷتكەن. بٸراق وعان قول جەتكٸزە المادى", – دەدٸ بازاربەك.
دەپۋتاتتىڭ ايتۋىنشا, ماتچ كەزٸندە كٶپتەگەن بيلەتسٸز ادامدار تريبۋنا ٶتەتٸن جولدارعا جايعاسىپ الىپ, قوزعالىسقا كەدەرگٸ كەلتٸرگەن.
"بٷگٸن "قايرات" تۇڭعىش رەت چەمپيوندار ليگاسىندا ويناپ وتىر. ەگەر بٸز سول دەڭگەيگە شىقساق, وندا تەك الاڭداعى ويىنمەن عانا ەمەس, ۇيىمداستىرۋدا دا جوعارى ستاندارتتارعا ساي بولۋىمىز كەرەك. الدا كەمٸندە ٷش ماتچ بار. "قايرات" فۋتبول كلۋبى مەن الماتى ەكٸمدٸگٸ تيٸستٸ قورىتىندى شىعارىپ, جانكٷيەرلەرگە قاۋٸپسٸزدٸك پەن جايلىلىقتى قامتاماسىز ەتەدٸ دەپ سەنەمٸن", – دەدٸ دەپۋتات.
سونىمەن قاتار, بازاربەك ماتچقا شامامەن 5000 بيلەتتٸ "سامۇرىق-قازىنا", "بەيتەرەك" حولدينگتەرٸ مەن ۇلتتىق كومپانييالار قىزمەتكەرلەرٸنٸڭ ساتىپ العانى تۋرالى اقپاراتتى تەكسەرۋدٸ تالاپ ەتتٸ.
"ەگەر بۇل راستالسا, وندا زاڭدى سۇراق تۋىندايدى: بيلەتتەر جەكەلەگەن قىزمەتكەرلەردٸڭ جەكە قاراجاتىنا الىندى ما, ەلدە مەملەكەتتٸك رەسۋرستار جۇمسالدى ما? بيۋدجەت قاراجاتىن مۇنداي ماقساتقا پايدالانۋ مٷلدە جول بەرٸلمەيتٸن نەرسە!", – دەدٸ ول.
سونداي-اق دەپۋتات قۇقىق قورعاۋ جەنە انتيمونوپولييالىق ورگانداردى بيلەت ساتىلىمىنداعى ىقتيمال الىپساتارلىق سحەمالاردى تەكسەرۋگە, ولاردى كٶتەرمە ساتىپ العان تۇلعالار مەن كومپانييالاردى انىقتاپ, جاۋاپقا تارتۋعا شاقىردى.
"اسا قىمبات باعاعا بيلەت العان ادامدار ادالدىق پەن اشىقتىقتى كٶرۋگە تيٸس, قولدان جاسالعان تاپشىلىق پەن كٷمەندٸ سحەمالاردى ەمەس", – دەپ تٷيٸندەدٸ باقىتجان بازاربەك.
