مەجٸلٸس دەپۋتاتى باقىتجان بازاربەك "بولاشاق" باعدارلاماسى اياسىندا بيۋدجەت ەسەبٸنەن زاڭسىز شەتەلدە وقىپ جٷرگەندەردٸڭ ەسٸمٸن جارييالاۋدى تالاپ ەتتٸ, دەپ حابارلايدى Dalanews.kz.
بۇل مەسەلە ٷكٸمەت ساعاتىندا كٶتەرٸلدٸ. دەپۋتاتتىڭ ايتۋىنشا, 15 ٷمٸتكەر بويىنشا رەسپۋبليكالىق كوميسسييانىڭ شەشٸمٸ جوق, دەسە دە ولار شەتەلدە بٸلٸم الىپ جٷر. سونىمەن قاتار, 151 ستيپەندييا جوسپاردان تىس, بەلگٸلەنگەن ليميتتەن اسىرا, جالپى سوماسى 2 ملرد 519 ملن تەڭگەگە تاعايىندالعان.
باقىتجان بازاربەك 71 ٷمٸتكەر بٸر-بٸرٸنە جاسىرىن تٷردە كەپٸل بولعانىن ايتتى. ول بۇل جاعداي بويىنشا كەلتٸرٸلگەن شىعىندى 876 ملن تەڭگەگە باعالادى.
دەپۋتاتتىڭ سٶزٸنشە, جالپى كٷمەن تۋدىراتىن سوما شامامەن 10 ملرد تەڭگەگە جەتۋٸ مٷمكٸن. ول مينيسترلٸك ناقتى ەرەكەت جاساپ, شەتەلدە مەملەكەت قارجىسى ەسەبٸنەن وقىپ جٷرگەندەردٸڭ تٸزٸمٸن اشىق جارييالاۋى قاجەت ەكەنٸن ايتتى.
ەسكە سالايىق, بۇعان دەيٸن "بولاشاق" ستيپەنديياسى "كٷمەندٸ" جولمەن بٶلٸنگەنٸن جازدىق.
