ق ر پرەمەر-مينيسترىنىڭ وكىمىمەن ارىستان كەنجەتاي ۇلى قابىكەنوۆ قازاقستان رەسپۋبليكاسى پرەمەر-مينيسترى كەڭسەسىنىڭ باسشىسىنىڭ ورىنباسارى قىزمەتىنە تاعايىندالدى.
ايتا كەتەلىك پاۆلودار وبلىسىنىڭ اكىمى بولات باقاۋوۆتىڭ قۇرىقتالۋىنا قاتىستى جەلىدە تاراعان جازبادا اكىم ورىنباسارى ارمان قابىكەنوۆتىڭ اتى اتالعان.
قابىكەنوۆ بۇل جايىندا ب ا ق وكىلدەرىنە سۇحبات بەرىپ، ءوزىنىڭ قۇرىقتالۋىنا قاتىستى اقپاراتتى جوققا شىعارعان.
پاۆلودار وبلىسىنىڭ ەكس-اكىمى بولات باقاۋوۆتىڭ قولىنا كىسەن سالىنعانى 15 قاڭتاردا بەلگىلى بولدى. 17 قاڭتاردا باقاۋوۆ ءوز قۇزىرەتىن اسىرا پايدالاندى دەپ ەكى ايعا قامالدى. 19 قاڭتاردا اباقتىدا دەنساۋلىعى سىر بەرگەن ول ءۇي قاماققا اۋىستى.
ارىستان قابىكەنوۆ 1980 جىلى 11 قازاندا جەزقازعان قالاسىندا دۇنيەگە كەلگەن. 2002 جىلى بايقوڭىروۆ اتىنداعى جەزقازعان ۋنيۆەرسيتەتىن، 2004 جىلى — كيمەپ، 2012 جىلى نوتتينگەم ۋنيۆەرسيتەتىن (ۇلىبريتانيا) ءتامامداعان.
ەڭبەك جولىن 2001 جىلى جەكەمەنشىك سەكتوردا باستاعان.
2004–2006 جىلدارى قارجى مينيسترلىگىندە ءتۇرلى لاۋازىمداردا بولدى. 2006–2008 جىلدارى ق ر پرەمەر-مينيسترى كەڭسەسىنىڭ ماكروەكونوميكالىق تالداۋ جانە باعدارلامالىق مونيتورينگ ءبولىمىنىڭ سەكتور مەڭگەرۋشىسى قىزمەتىن اتقاردى. 2008–2011 جىلدارى ق ر پرەزيدەنتى اكىمشىلىگىندە جۇمىس ىستەدى.
2011–2015 جىلدارى ق ر پرەزيدەنتى جانىنداعى ستراتەگيالىق جوبالار جانە تالداۋ ورتالىعىندا، وڭىرلىك دامۋ مينيسترلىگىندە، سونداي-اق ۇلتتىق ەكونوميكا مينيسترلىگىندە قىزمەت ەتكەن.
2015–2016 جىلدارى ق ر پرەمەر-مينيسترى كەڭسەسىنىڭ باسشىسىنىڭ ورىنباسارى بولعان.
2016 جىلدىڭ قازان ايىنان باستاپ 2018 جىلعى قاڭتار ايىنا دەيىن قازاقستاننىڭ جاپونياداعى ەلشىلىگىنىڭ كەڭەسشىسى قىزمەتىن اتقارعان.
2018-2019 جىلدارى قازاقستان رەسپۋبليكاسى ينۆەستيسيالار جانە دامۋ ۆيسە-مينيسترى بولىپ قىزمەت ەتتى.
2019 جىلدىڭ ناۋرىز ايىنان قازىرگە دەيىن پاۆلودار وبلىسى اكىمىنىڭ ورىنباسارى لاۋازىمىندا بولدى.
