QR Premer-Ministriniń Ókimimen Arystan Kenjetaiuly Qabykenov Qazaqstan Respýblikasy Premer-Ministri Keńsesiniń basshysynyń orynbasary qyzmetine taǵaiyndaldy.
Aita ketelik Pavlodar oblysynyń ákimi Bolat Baqaýovtyń quryqtalýyna qatysty jelide taraǵan jazbada ákim orynbasary Arman Qabykenovtiń aty atalǵan.
Qabykenov bul jaiynda BAQ ókilderine suhbat berip, óziniń quryqtalýyna qatysty aqparatty joqqa shyǵarǵan.
Pavlodar oblysynyń eks-ákimi Bolat Baqaýovtyń qolyna kisen salynǵany 15 qańtarda belgili boldy. 17 qańtarda Baqaýov óz quziretin asyra paidalandy dep eki aiǵa qamaldy. 19 qańtarda abaqtyda densaýlyǵy syr bergen ol úi qamaqqa aýysty.
Arystan Qabykenov 1980 jyly 11 qazanda Jezqazǵan qalasynda dúniege kelgen. 2002 jyly Baiqońyrov atyndaǵy Jezqazǵan ýniversitetin, 2004 jyly — KIMEP, 2012 jyly Nottingem ýniversitetin (Ulybritaniia) támamdaǵan.
Eńbek jolyn 2001 jyly jekemenshik sektorda bastaǵan.
2004–2006 jyldary Qarjy ministrliginde túrli laýazymdarda boldy. 2006–2008 jyldary QR Premer-Ministri Keńsesiniń Makroekonomikalyq taldaý jáne baǵdarlamalyq monitoring bóliminiń sektor meńgerýshisi qyzmetin atqardy. 2008–2011 jyldary QR Prezidenti Ákimshiliginde jumys istedi.
2011–2015 jyldary QR Prezidenti janyndaǵy Strategiialyq jobalar jáne taldaý ortalyǵynda, Óńirlik damý ministrliginde, sondai-aq Ulttyq ekonomika ministrliginde qyzmet etken.
2015–2016 jyldary QR Premer-Ministri Keńsesiniń basshysynyń orynbasary bolǵan.
2016 jyldyń qazan aiynan bastap 2018 jylǵy qańtar aiyna deiin Qazaqstannyń Japoniiadaǵy elshiliginiń keńesshisi qyzmetin atqarǵan.
2018-2019 jyldary Qazaqstan Respýblikasy investitsiialar jáne damý vitse-ministri bolyp qyzmet etti.
2019 jyldyń naýryz aiynan qazirge deiin Pavlodar oblysy ákiminiń orynbasary laýazymynda boldy.
