وكىنىشتىسى، كەرەكۋدەگى ىشكى ساياسات باسقارماسىنىڭ باسىندا وتىرعاندار مۇنى بىلمەيتىن سياقتى. Abai.kz اقپاراتتىق پورتالىندا جاريالاعان جانايقايىندا اقىن ارمان قاني وسىنى ايتىپتى. وقىدىق. ورىندى ماسەلە. ونسىز دا ىرگەمىز ءتۇرۋلى. ال باقاۋوۆتىڭ مۇنىسى نەسى؟ سونىمەن…
بۇل قانداي ەكسپەديسيا؟
YIII عاسىردا رەسەيدىڭ ومبى قالاسىندا جاساقتالعان پاتشا اسكەرلەرى ەرتىس وزەنىمەن قازاق جەرىنە ەنىپ بەكىنىستەر سالعان. سولاردىڭ ءبىرى پودپولكوۆنيك بۋحگولس باستاعان ەكسپەديسيا كەرەكۋ ءوڭىرىن جاۋلاپ، رەسەي يمپەرياسىنىڭ وتارلاۋ ساياساتىن جۇرگىزۋگە كىرىسكەن.
ءبىزدىڭ جەرگىلىكتى بيلىك وتكەن 2016 جىلى «پاۆلودار گەوگرافيا ءۇيى» قوعامدىق بىرلەستىگىنىڭ باسشىسى الەكساندر ۆەرۆەكين دەگەننىڭ ىقپالىنان شىعا الماي، كەرەكۋدە سولار ۇيىمداستىرعان «ەرتىس كۇنى» مەرەكەسىندە ومبىدا قۇرالعان «بۋحگولس جولدارىمەن» ەكسپەديسياسىنىڭ ءبىزدىڭ وبلىسقا كەلۋىنە جول بەردى!
ءسويتىپ، پاتشا اسكەرلەرىنىڭ قازاق جەرىنە جاساعان باسقىنشىلىق جورىقتارىن ىقتيارلى يا ىقتيارسىز جاريا ناسيحاتتالۋىنا قولداۋ كورسەتتى!
سونىڭ ناتيجەسىندە، الگى ەكسپەديسيانىڭ 5 ياحتاسى مەن جەرگىلىكتى «ەرماك» تەپلوحودى وزەندەگى كەمەلەر شەرۋىنە قاتىستى!
بۇل كورىنىستى وبلىس اكىمىنىڭ ەكى بىردەي ورىنباسارى: ن. دىچكو مەن م. بەگەنتايەۆ جانە ا. ۆەرۆەكين، ت.ب. جۇرتشىلىقتان وقشاۋلانعان جايلى ورىنعا جايعاسىپ وتىرىپ تاماشالادى! شارادان سوڭ ەكسپەديسيا مۇشەلەرى ءۇشىن استا-توك داستارحان جايىلدى!
بۇلار قايتا ورالا ما؟
مۇنىڭ الدىندا ا.ۆەرۆەكين 1715 جىلى بۋحگولس اسكەرلەرى تۇرعىزعان يامىشيەۆ بەكىنىسىنىڭ ورنىنداعى ەسكى يامىشيەۆ اۋىلىنا «بۋحگولس جولدارىمەن» ەكسپەديسياسىن اپارىپ تۇرعىندارمەن كەزدەسۋ وتكىزگەن ەدى! وبلىس جاستار ساياساتى ماسەلەلەرى جونىندەگى باسقارماسىنىڭ باسشىسى ناتاليا نەفەدوۆا سولارمەن بىرگە بارىپ، كەزدەسۋدە ءسوز سويلەدى.
ەكسپەديسيا جەتەكشىسى يگور ۆياتكين دە سويلەپ، الداعى ۋاقىتتا وسى وڭىرگە قايتا ورالاتىنىن جاريا ەتتى!..
ەرتەڭىندە وبلىس جاستار ساياساتى ماسەلەلەرى جونىندەگى باسقارماسىنىڭ عيماراتىندا «پاۆلودار گەوگرافيا ءۇيى» قوعامدىق بىرلەستىگىنىڭ جانە «بۋحگولس جولدارىمەن» ەكسپەديسياسىنىڭ مۇشەلەرى پاۆلوداردا دايىندالعان «ەرتىس جانە ونىڭ بەكىنىستەرى» اتتى دەرەكتى ءفيلمنىڭ تۇساۋكەسەر شاراسىن وتكىزدى!
سوڭىندا ا. ۆەرۆەكين كينوتۋىندىنى قوناقتارعا سىيعا تارتتى…
جۋىردا وبلىستىڭ باس يدەولوگى مەيرام بەگەنتايەۆپەن تەلەفون ارقىلى سويلەسكەنىمدە «ەرتىس كۇنى» مەرەكەسىنە بيىل تاعى دا ومبىلىق قوناقتاردىڭ كەلەتىنىن ايتتى. الگى يگور ۆياتكيندەر مە، الدە باسقالار ما؟.. ونى ناقتىلاعان جوق.
سونىمەن، الداعى ۋاقىتتا «پاۆلودار گەوگرافيا ءۇيى» قوعامدىق بىرلەستىگىنىڭ باسشىسى الەكساندر ۆەرۆەكيننىڭ ۇيىمداستىرۋىمەن تاعى دا «ەرتىس كۇنى» مەرەكەسى وتكىزىلمەك!..
باس يدەولوگ بىلتىرعىداي، سونىڭ ىقپالىندا كەتە مە، جوق پا؟.. ۋاقىت كورسەتەدى!
PS:
ەگەر رەسەي فەدەراسياسىندا گۋبەرناتوردىڭ يدەولوگيا بويىنشا ورىنباسارىنا قانداي دا ءبىر قوعامدىق ۇيىم باسشىسىنىڭ ىقپال ەتۋى ناتيجەسىندە «توقتامىس حان جولدارىمەن» نەمەسە «ناپولەون جولدارىمەن» ەكسپەديسياسىنىڭ ماسكەۋگە بارۋ وقيعاسى ورىن السا،
ءوز باسىم وبلىستىق اكىمدىكتەگى شەنەۋنىكتەردىڭ ىس-ارەكەتىنە تۇسىنىستىكپەن قارار ەدىم…
