Ókinishtisi, Kerekýdegi Ishki saiasat basqarmasynyń basynda otyrǵandar muny bilmeitin siiaqty. Abai.kz aqparattyq portalynda jariialaǵan janaiqaiynda aqyn Arman Qani osyny aitypty. Oqydyq. Oryndy másele. Onsyz da irgemiz túrýli. Al Baqaýovtyń munysy nesi? Sonymen…
Bul qandai ekspeditsiia?
YIII ǵasyrda Reseidiń Omby qalasynda jasaqtalǵan patsha áskerleri Ertis ózenimen qazaq jerine enip bekinister salǵan. Solardyń biri podpolkovnik Býhgolts bastaǵan ekspeditsiia Kereký óńirin jaýlap, Resei imperiiasynyń otarlaý saiasatyn júrgizýge kirisken.
Bizdiń jergilikti bilik ótken 2016 jyly «Pavlodar geografiia úii» qoǵamdyq birlestiginiń basshysy Aleksandr Vervekin degenniń yqpalynan shyǵa almai, Kerekýde solar uiymdastyrǵan «Ertis kúni» merekesinde Ombyda quralǵan «Býhgolts joldarymen» ekspeditsiiasynyń bizdiń oblysqa kelýine jol berdi!
Sóitip, patsha áskerleriniń qazaq jerine jasaǵan basqynshylyq joryqtaryn yqtiiarly ia yqtiiarsyz jariia nasihattalýyna qoldaý kórsetti!
Sonyń nátijesinde, álgi ekspeditsiianyń 5 iahtasy men jergilikti «Ermak» teplohody ózendegi kemeler sherýine qatysty!
Bul kórinisti oblys ákiminiń eki birdei orynbasary: N. Dychko men M. Begentaev jáne A. Vervekin, t.b. jurtshylyqtan oqshaýlanǵan jaily orynǵa jaiǵasyp otyryp tamashalady! Sharadan soń ekspeditsiia músheleri úshin asta-tók dastarhan jaiyldy!
Bular qaita orala ma?
Munyń aldynda A.Vervekin 1715 jyly Býhgolts áskerleri turǵyzǵan Iamyshev bekinisiniń ornyndaǵy Eski Iamyshev aýylyna «Býhgolts joldarymen» ekspeditsiiasyn aparyp turǵyndarmen kezdesý ótkizgen edi! Oblys jastar saiasaty máseleleri jónindegi basqarmasynyń basshysy Natalia Nefedova solarmen birge baryp, kezdesýde sóz sóiledi.
Ekspeditsiia jetekshisi Igor Viatkin de sóilep, aldaǵy ýaqytta osy óńirge qaita oralatynyn jariia etti!..
Erteńinde oblys jastar saiasaty máseleleri jónindegi basqarmasynyń ǵimaratynda «Pavlodar geografiia úii» qoǵamdyq birlestiginiń jáne «Býhgolts joldarymen» ekspeditsiiasynyń músheleri Pavlodarda daiyndalǵan «Ertis jáne onyń bekinisteri» atty derekti filmniń tusaýkeser sharasyn ótkizdi!
Sońynda A. Vervekin kinotýyndyny qonaqtarǵa syiǵa tartty…
Jýyrda oblystyń bas ideology Meiram Begentaevpen telefon arqyly sóileskenimde «Ertis kúni» merekesine biyl taǵy da ombylyq qonaqtardyń keletinin aitty. Álgi Igor Viatkinder me, álde basqalar ma?.. Ony naqtylaǵan joq.
Sonymen, aldaǵy ýaqytta «Pavlodar geografiia úii» qoǵamdyq birlestiginiń basshysy Aleksandr Vervekinniń uiymdastyrýymen taǵy da «Ertis kúni» merekesi ótkizilmek!..
Bas ideolog byltyrǵydai, sonyń yqpalynda kete me, joq pa?.. Ýaqyt kórsetedi!
PS:
Eger Resei Federatsiiasynda gýbernatordyń ideologiia boiynsha orynbasaryna qandai da bir qoǵamdyq uiym basshysynyń yqpal etýi nátijesinde «Toqtamys han joldarymen» nemese «Napoleon joldarymen» ekspeditsiiasynyń Máskeýge barý oqiǵasy oryn alsa,
óz basym oblystyq ákimdiktegi sheneýnikterdiń is-áreketine túsinistikpen qarar edim…
