سوڭعى كەزدە الەۋمەتتىك جەلىگە پرەزيدەنت پەن ونىڭ وتباسىنا قاتىستى وتتى ولەڭ جولدارىن ءجيى جاريالايتىن اقىن قوعامدا قىزۋ تالقىعا ءتۇسىپ جاتىر. بالتابەك نۇرعالييەۆ كىم؟ ونىڭ مەملەكەت باسشىسىنا ارنالعان تاعى قانداي ولەڭدەرى بار؟
«ۋا، نۇر-اتام – قۇدايىم، سىزدەن باسقا جوق قۇداي!» بۇل اقىن بالتابەك نۇرعالييەۆتىڭ «جۇماق-ەستى جاراتقان» ولەڭ...
تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ كوللەدجىندە ءدارىس بەرەتىن بالتابەك نۇرعالييەۆ اقىندىعىنىڭ ارقاسىندا 2012 جىلى حالىقارالىق شابىت فەستيۆالىندە «ۇزدىك ادەبي شىعارما» نوميناسياسىنىڭ گران-پريىن يەلەنگەن. بالتابەك بالا كۇنىنەن ەلباسىعا ارناپ ولەڭ جازىپ كەلەدى ەكەن. ونىڭ مەملەكەت باسشىسىنا دەگەن قۇرمەتى ەرەكشە.
بالتابەك نۇرعالييەۆ، اقىن:
– مەنىڭ تۇسىنىگىمدە قۇدايى، جاراتۋشى يەسى جانە جاسامپاز جاراتقانى!
قازاقستان دەموكراتيالىق باعىتتى ۇستانعان مەملەكەت بولسا دا، بالتابەك نۇرعالييەۆ ەلىمىزدە مونارحيالىق بيلىك ورناعانىن ارماندايدى ەكەن.
بالتابەك نۇرعالييەۆ، اقىن:
– ۇيادا نە كورسەڭ، ۇشقاندا سونى ىلەسىڭ دەيدى. سول تەكتىلىك تۇرعىسىنان كەلگەندە مەن قازاقستاندى نازاربايەۆتار ديناستياسى بيلەگەنىن قالايمىن.
ال، الەۋمەتتىك جەلىدە بالتابەكتىڭ بۇل ولەڭدەرى تەك پيار باعىتتا، اتاعىن اسپانداتىپ، مانسابىن كوتەرۋ ءۇشىن جازىلعان دەپ جازعىرىپ جاتقاندار جوق ەمەس.
جوعارىداعىلاردىڭ تاپسىرىسى بولۋى مۇمكىن دەپ توپشىلايتىندار دا بار. ول ازداي اقىنعا اسا جاعىمپازدانا بەرمە دەپ قورقىتىپ ۇركىتەتىندەر دە كوبەيىپ كەتكەن ەكەن.
– ەشقانداي دا تاپسىرىس ەمەس. اسىرەسە بيلىك تاراپىنان تاپسىرىس ەمەس.
الايدا مەملەكەت باسشىسى ءوز ەسىمىن اسپانداتىپ جاعىمپازداناتىندارعا ماقتاۋدىڭ دا شەگى بار دەپ تالاي رەت شەگەلەپ ايتىپ، قارسىلىق بىلدىرگەن ەدى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
– منوگو لەستنىح سلوۆ ۆ موي ادرەس. يا يمەيۋ تاكوي وپىت، تاكوي ۆوزراست. مەنيا ەتيم ترونۋت، كونەچنو، نيەۆوزموجنو.
ال زاماناۋي جىراۋ اتانىپ كەتكەن، اتۋ شىلى جان احمادييەۆتىڭ جانىنا بالتابەكتىڭ ولەڭدەرى قاتتى باتىپ جۇرگەن سىڭايلى.
ول پرەزيدەنتتى قۇدايعا تەڭەگەن بالتابەك، اقىنداردىڭ اتىنا كىر كەلتىرىپ ءجۇر دەيدى. اشىنعان جان بالتابەككە رەپ شىعارىپ ۇلگەرىپتى.
جان احمادييەۆ، زاماناۋي جىراۋ:
– تىڭدا مەنى اقىنسىماق ارقاداعى جاۋىرىن. ولەڭ جازساڭ، جازساڭشى سەن ءتاۋىرىن. بىلەسىڭ بە؟! اداسۋمەن ساندالۋمەن ءوتىپ جاتىر ءداۋىرىڭ. ەستە بولسىن پەندە ەمەس، اللا سەنىڭ ءتاڭىرىڭ.
دەسە دە بالتابەك نۇرعالييەۆ قازاقتى قۇردىمنان قۇتقارعان پرەزيدەنت نۇرسۇلتان ءابىش ۇلى نازاربايەۆقا ارناپ جىر جازۋ ءوزىنىڭ ازاماتتىق ءھام اقىندىق بورىشى دەپ بىلەدى.
دەرەككوز: 31 ارنا
[video width="640" height="360" mp4="https://dalanews.kz/wp-content/uploads/2018/04/videoplayback-1.mp4"][/video]
