بالقاش قالاسىنىڭ قوڭىرات شاعىن اۋدانىنداعى №3 جالپى بٸلٸم بەرەتٸن مەكتەپتٸڭ جابىلۋ قاۋپٸ تۋىنداپ وتىر. وسىعان الاڭداعان اتا-انالار مەملەكەت باسشىسىنىڭ ەكٸمشٸلٸگٸنە حات جولداپ, مەكتەپتٸ ساقتاپ قالۋدى سۇراۋدا, دەپ حابارلايدى Dalanews.kz.
اتا-انالار بالالاردىڭ قايدا بارىپ بٸلٸم الاتىنىنا الاڭداۋلى. ولار بيلٸكتٸڭ شەشٸم قابىلداردا ٶز پٸكٸرلەرٸمەن ساناسپاي وتىرعانىنا دا نارازى. قوڭىرات اۋدانى ٷشٸن بۇل مەكتەپ ەرەكشە ماڭىزدى, ٶيتكەنٸ ول اۋدانداعى ورىس تٸلٸندە بٸلٸم بەرەتٸن جالعىز مەكەمە.
2025 جىلى مەكتەپ عيماراتىنا تەحنيكالىق ساراپتاما جٷرگٸزٸلٸپ, ونىڭ كٷردەلٸ جٶندەۋدٸ قاجەت ەتەتٸنٸ انىقتالعان. الايدا جەرگٸلٸكتٸ بيلٸك جٶندەۋ جۇمىستارىن جٷرگٸزۋگە قارجىنىڭ جوقتىعىن العا تارتۋدا.
تەۋەلسٸز ساراپتاما قورىتىندىسىنا سەيكەس, مەكتەپ عيماراتىنىڭ جاعدايى ناشار, توزۋ دەڭگەيٸ جوعارى. بۇرىن قوڭىرات جەكە ەلدٸ مەكەن بولىپ, كەيٸن شاعىن اۋدانعا اينالعاندىقتان, وقۋشى سانى دا كٷرت ازايعان. بۇل مەكتەپتٸڭ "شاعىن كومپلەكتٸلٸ" بولۋىنا ەكەلگەن. وقۋشى سانىنىڭ جەتٸسپەۋٸ دە مەكتەپتٸڭ جابىلۋىنا سەبەپ بولۋى مٷمكٸن.
"مەكتەپكە بٸلٸم باسقارماسىنان ٶكٸلدەر, بالقاش قالاسى ەكٸمٸنٸڭ ورىنباسارى دا كەلدٸ. ساراپتاما قورىتىندىسى عيماراتتىڭ اپات الدىنداعى جاعدايدا ەكەنٸن كٶرسەتتٸ. كٷردەلٸ جٶندەۋ قاجەت, بٸراق جەرگٸلٸكتٸ بيۋدجەتتە قاراجات جوق دەيدٸ. 88 جىلدىق تاريحى بار مەكتەپتە بٸرنەشە بۋىن بٸلٸم العانىمەن, وسى ۋاقىتقا دەيٸن بٸردە-بٸر رەت تولىققاندى كٷردەلٸ جٶندەۋ جٷرگٸزٸلمەگەن. عيماراتتىڭ ٸرگەتاسى مەن شاتىرى عانا ٸشٸنارا جٶندەلگەن, ونىڭ ٶزٸ اراسى 10 جىلعا دەيٸن سوزىلىپ وتىرعان", – دەيدٸ جەرگٸلٸكتٸ تۇرعىن يۋلييا پيكالوۆا.
قاراعاندى وبلىستىق بٸلٸم باسقارماسى مەكتەپ عيماراتىنداعى قاۋٸپسٸزدٸككە ەرەكشە مەن بەرٸلەتٸنٸن ايتادى. دەگەنمەن №3 مەكتەپتٸڭ جابىلاتىنى جٶنٸندە رەسمي مەلٸمدەمە جاسالماعان.
"وقۋشىلار مەن مۇعالٸمدەردٸڭ قاۋٸپسٸزدٸگٸن قامتاماسىز ەتۋ ماقساتىندا №3 مەكتەپتٸ ۋاقىتشا ىبىراي التىنسارين اتىنداعى №25 جالپى بٸلٸم بەرەتٸن مەكتەپپەن بٸرٸكتٸرۋ مەسەلەسٸ قاراستىرىلۋدا. جاڭا وقۋ جىلىنا دايىندىق جوسپارعا سەيكەس جٷرگٸزٸلۋدە. مەكتەپتٸڭ تاعدىرى ارنايى كوميسسييانىڭ قورىتىندىسىنان كەيٸن شەشٸلەدٸ. عيمارات جٶندەۋگە جارامدى بولسا, مەكتەپ جۇمىسىن جالعاستىرادى", – دەيدٸ باسقارما ٶكٸلدەرٸ.
كوميسسييا تەكسەرٸسٸنٸڭ ناقتى مەرزٸمٸ ەزٸرگە بەلگٸسٸز.
