جەتٸسۋ وبلىسىندا بالقاش كٶلٸنە دەيٸنگٸ جول قايتا جاڭعىرتۋدان كەيٸن كٶلٸك قوزعالىسى ٷشٸن اشىلدى,- دەپ حابارلايدى Dalanews.kz
بالقاش كٶلٸ – جەتٸسۋ ٶڭٸرٸنٸڭ تۋريستٸك ەلەۋەتٸن تانىتاتىن نىساننىڭ بٸرٸ. ەسكە سالساق, بالقاش كٶلٸنە كٶلٸكپەن بارۋ جاعدايىن جاقسارتۋ ٷشٸن كٶلگە اپاراتىن جول ەكٸ ۋچاسكەگە بٶلٸنٸپ, جاڭعىرتۋ جۇمىسى جٷرگٸزٸلدٸ.
اتاپ ايتقاندا, ۇزىندىعى 27 كم «لەپسٸ – بالقاش كٶلٸ» جولى ٶتكەن جىلى پايدالانۋعا بەرٸلدٸ. «الماتى – ٶسكەمەن – لەپسٸ – اقتوعاي» اۆتوجولىنىڭ 35 - 110 شاقىرىمى بۇعان دەيٸن جوسپارلانعانىنداي, جۋىردا جول اسفالتتىڭ تٶمەنگٸ جابىنىمەن كٶلٸك قوزعالىسى ٷشٸن اشىلدى.
- قازٸر 40 كم جولدا اسفالتتىڭ بەتكٸ قاباتىن تٶسەۋ جۇمىستارى قالدى. ودان كەيٸن اباتتاندىرۋ جۇمىستارى اتقارىلادى. جول بويىندا 4 دەمالىس الاڭى ورناتىلعان, وندا ايالداما, سانيتارلىق توراپ قاراستىرىلعان. جول قۇرىلىسىن جٷرگٸزگەن مەردٸگەر مەكەمە جول ساپاسىنا 5 جىلعا دەيٸن كەپٸلدٸك بەرەدٸ. قانداي دا بٸر ەسكەرتپەلەر, اقاۋلار شىعىپ جاتسا, ٶز كٷشٸمەن رەتكە كەلتٸرەدٸ. قازٸر جول قۇرىلىسىنا 65 تەحنيكا, جٷزدەن استام ادام تارتىلعان. اتالعان جولدى تولىق پايدالانۋعا بەرۋ 2026 جىلعا جوسپارلانعان, - دەيدٸ جەتٸسۋ وبلىسىنىڭ جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى عالىمجان دەرٸباەۆ.
جول قاتىناسىنا قاتىستى تاعى بٸر ايتا كەتەرلٸگٸ, جىل سوڭىنا دەيٸن لەپسٸ اۋىلىندا زاماناۋي جاڭا تەمٸر جول ۆوكزالىن سالۋ مەجەلەنگەن.
