ايماق حالقىنمەن وتكەن جيىندا، ايماق باسشىسى مارات ەلەۋسىز ۇلى بالقاش اۋدانىنداعى ونەركاسىپ سالاسىنداعى كورسەتكىشكە توقتالدى.
وبلىس اكىمىنىڭ سوزىنە سۇيەنسەك، اتالمىش اۋدان ونەركاسىپتەگى ءوندىرىس بويىنشا 9-شى ورىندا تۇر. بۇل وبلىس بويىنشا ەڭ تومەن كورسەتكىشتەردىڭ ءبىرى.
«بۇل جاعدايدى تەز ارادا قولعا الۋىمىز كەرەك. ايماقتا ەت جانە ءسۇت وڭدەيتىن كاسىپورىن اشىپ، مال شارۋاشىلىعىنداعى ونىمدىلىكتى ارتتىرۋدى قولعا الۋ قاجەت»،-دەدى مارات سۇلتانعازييەۆ.
سونىمەن قاتار، وبلىس اكىمى «اۋىل اماناتى» جوباسىنىڭ ىسكە اسۋ بارىسىنا ارنايى توقتالدى.
مارات ەلەۋسىز ۇلى، بالقاش اۋدانىندا اتالعان باعدارلاماعا ءوتىنىم بەرگەن ادامدار سانىنىڭ 257 ء-ى عانا ەكەنىن ايتتى.
«اۋىل حالقىنىڭ تۇرمىسىن، ءال-اۋقاتىن جاقسارتۋعا ارنالعان باعدارلاماعا قاتىسۋشىلار سانىن ارتتىرۋ كەرەك، ول ءۇشىن وڭىردە اقپاراتتىق ناسيحات جۇمىستارىن ۇدەتە ءتۇسۋ قاجەت»،-دەدى وبلىس اكىمى مارات سۇلتانعازييەۆ.
كەزدەسۋ كەزىندە نىساناعا الىنعان كەزەكتى سالا، ينۆەستيسيا بولدى.
بالقاشتاعى بۇل سالا كەنجەلەپ تۇر. ويتكەنى اۋداننىڭ وبلىستاعى ۇلەسى 0،9%-دى قۇرايدى. وتكەن جىلى ايماققا 5،2 ملرد تەڭگە ينۆەستيسيا تارتىلعان.
«بالقاش اۋدانىندا ينۆەستيسيا تارتۋ ءىسى مەن شوب وندىرەتىن ءونىم كولەمى 2 پايىزعا ازايعان. دەمەك، ول دەنەمىز وسى باعىتتاعى جۇمىستاردى كۇشەيتۋ كەرەك دەگەن ءسوز. اۋدان اكىمىنە اتالعان ماسەلەگە دەن قويۋدى تاپسىرامىن»،-دەپ اشىق ايتتى وبلىس اكىمى.
وبلىس اكىمى نازار اۋدارعان ماسەلەنىڭ ءبىرى حالىقتى تۇرعىن ۇيمەن قامتۋ ءىسى بولدى.
ايتۋىنشا، اۋداندا ءۇي الۋعا 484 ادام كەزەكتە تۇر.
«بيىل باقاناس اۋىلىندا جالپى اۋدانى 6،1 مىڭ شارشى مەتردى قۇرايتىن 30 جالعا بەرىلەتىن جەكە ءۇي جانە ءبىر 40 پاتەرلى ءۇي ىسكە قوسىلادى.جاڭا پاتەرلەردىڭ كىلتىن 70 وتباسى الادى، ونىڭ 55ء-ى — الەۋمەتتىك وسال توپ وكىلدەرى»،-دەدى ءوڭىر باسشىسى.
وبلىس اكىمى وڭىردە ەلدى مەكەندەردى ورتالىقتاندىرىلعان سۋمەن قامتاماسىز ەتۋ دەڭگەيى 92،7%-عا جەتكەنىن، ناتيجەسىندە رەسپۋبليكاداعى ەڭ جوعارى كورسەتكىش الماتى وبلىسىنا تيەسىلى ەكەنىن تىلگە تيەك ەتتى. سونىڭ ىشىندە بالقاش اۋدانىنىڭ 28 اۋىلىنىڭ 20-سى ساپالى اۋىز سۋمەن قامتىلعان.
كوگىلدىر وتىنعا قول جەتكىزۋ ءىسى ءالى كۇنگە وزەكتى تاقىرىپ. مارات ەلەۋسىز ۇلىنىڭ سوزىنشە، بالقاش اۋدانىنداعى 13 ەلدى مەكەن (25،7 مىڭ ادام) گازداندىرۋعا جاتادى، بۇگىندە گاز قۇبىرى باقاناس، اقدالا، باقباقتى، بىرلىك اۋىلدارىنا تارتىلىپ كەنتىشىلىك جەلىلەر سالىندى، ءبىراق ەكى جىلدان بەرى ماگيسترالدىق گاز قۇبىرلارىندا گاز جوق ەكەن.
«گازدىڭ بولماۋىنىڭ نەگىزگى سەبەبى: "باقاناس" اۆتوماتتاندىرىلعان گاز تاراتۋ ستانسياسىنىڭ ولشەۋ اسپاپتارىنىڭ (مانومەترلەردىڭ) جوقتىعى، رەتتەۋشى جابدىق مونتاجدالماعانى جانە ودوريزاسيا جابدىعى قوسىلماعاندىعى. قازىرگى ۋاقىتتا وسى فاكتىلەر بويىنشا "Akniet grupp" جشس-دە اعىمداعى جىلدىڭ 30 قاڭتارىندا وبلىستىڭ ەكونوميكالىق تەرگەۋ دەپارتامەنتى تەكسەرۋ جۇمىستارىن باستادى»،-دەيدى ءوڭىر باسشىسى.
ءبىرشاما قوردالانعان ماسەلەلەردىڭ بارىنا قاراماستان بالقاش اۋدانى ءبىرقاتار كورسەتكىشتەر بويىنشا كوشباسشىلار قاتارىندا. ماسەلەن، اۋدان ۇلەسىنە كۇرىش ءوندىرىسىنىڭ 100%-ى، جەمشوپ ءوندىرىسىنىڭ 15%-ى، اسىل تۇقىمدى ءىرى قارا مال باسىنىڭ 18%-ى، جىلقى باسىنىڭ 10،4%-ى تيەسىلى.
ايتا كەتۋ كەرەك، مەملەكەت سالانى دامىتۋعا ايتارلىقتاي قولداۋ كورسەتەدى. جىل سايىن 30 ملرد.تەڭگەدەن استام سۋبسيديا بولىنەدى.
ماسەلەن، وتكەن جىلى بالقاش اۋدانىنىڭ 506 اۋىل شارۋاشىلىعى تاۋارىن وندىرۋشىلەرىنە 1،8 ملرد. تەڭگە ءبولىندى.
«2022 جىلى اۋدان بويىنشا 379 شارۋاشىلىققا 1 362،6 ملن. تەڭگەگە سۋبسيديا تولەندى.اعىمداعى جىلى اۋداندا ينۆەستيسيالىق سالىمدار كەزىندە شىعىنداردىڭ ءبىر بولىگىن سۋبسيديالاۋ بويىنشا 362 ملن.تەڭگەگە 106 اۋىل شارۋاشىلىق قۇرىلىمى ءوتىنىم بەردى»،-دەدى مارات ەلەۋسىز ۇلى.
وڭىردەگى جەتەكشى سالانىڭ كورسەتكىشەتەرىنە شولۋ جاساعان وبلىس اكىمى، ارتىنشا جيىلعان قاۋىمنىڭ كوكەيكەستى ساۋالدارىنا جاۋاپ بەردى.
جۇرتتى تولعاندىرعان سۇراقتار قاتارى ينفراقۇرىلىم، جاڭا الەۋمەتتىك نىسانداردىڭ قۇرىلىسى مەن حالىقتىڭ تۇرمىسىن جاقسارتۋعا قاتىستى بولدى.
