Aimaq halqynmen ótken jiynda, aimaq basshysy Marat Eleýsizuly Balqash aýdanyndaǵy ónerkásip salasyndaǵy kórsetkishke toqtaldy.
Oblys ákiminiń sózine súiensek, atalmysh aýdan ónerkásiptegi óndiris boiynsha 9-shy orynda tur. Bul oblys boiynsha eń tómen kórsetkishterdiń biri.
«Bul jaǵdaidy tez arada qolǵa alýymyz kerek. Aimaqta et jáne sút óńdeitin kásiporyn ashyp, mal sharýashylyǵyndaǵy ónimdilikti arttyrýdy qolǵa alý qajet»,-dedi Marat Sultanǵaziev.
Sonymen qatar, oblys ákimi «Aýyl amanaty» jobasynyń iske asý barysyna arnaiy toqtaldy.
Marat Eleýsizuly, Balqash aýdanynda atalǵan baǵdarlamaǵa ótinim bergen adamdar sanynyń 257 -i ǵana ekenin aitty.
«Aýyl halqynyń turmysyn, ál-aýqatyn jaqsartýǵa arnalǵan baǵdarlamaǵa qatysýshylar sanyn arttyrý kerek, ol úshin óńirde aqparattyq nasihat jumystaryn údete túsý qajet»,-dedi oblys ákimi Marat Sultanǵaziev.
Kezdesý kezinde nysanaǵa alynǵan kezekti sala, investitsiia boldy.
Balqashtaǵy bul sala kenjelep tur. Óitkeni aýdannyń oblystaǵy úlesi 0,9%-dy quraidy. Ótken jyly aimaqqa 5,2 mlrd teńge investitsiia tartylǵan.
«Balqash aýdanynda investitsiia tartý isi men ShOB óndiretin ónim kólemi 2 paiyzǵa azaiǵan. Demek, ol denemiz osy baǵyttaǵy jumystardy kúsheitý kerek degen sóz. Aýdan ákimine atalǵan máselege den qoiýdy tapsyramyn»,-dep ashyq aitty oblys ákimi.
Oblys ákimi nazar aýdarǵan máseleniń biri halyqty turǵyn úimen qamtý isi boldy.
Aitýynsha, aýdanda úi alýǵa 484 adam kezekte tur.
«Biyl Baqanas aýylynda jalpy aýdany 6,1 myń sharshy metrdi quraityn 30 jalǵa beriletin jeke úi jáne bir 40 páterli úi iske qosylady.Jańa páterlerdiń kiltin 70 otbasy alady, onyń 55-i — áleýmettik osal top ókilderi»,-dedi óńir basshysy.
Oblys ákimi óńirde eldi mekenderdi ortalyqtandyrylǵan sýmen qamtamasyz etý deńgeii 92,7%-ǵa jetkenin, nátijesinde respýblikadaǵy eń joǵary kórsetkish Almaty oblysyna tiesili ekenin tilge tiek etti. Sonyń ishinde Balqash aýdanynyń 28 aýylynyń 20-sy sapaly aýyz sýmen qamtylǵan.
Kógildir otynǵa qol jetkizý isi áli kúnge ózekti taqyryp. Marat Eleýsizulynyń sózinshe, Balqash aýdanyndaǵy 13 eldi meken (25,7 myń adam) gazdandyrýǵa jatady, búginde gaz qubyry Baqanas, Aqdala, Baqbaqty, Birlik aýyldaryna tartylyp kentishilik jeliler salyndy, biraq eki jyldan beri magistraldyq gaz qubyrlarynda gaz joq eken.
«Gazdyń bolmaýynyń negizgi sebebi: "Baqanas" avtomattandyrylǵan gaz taratý stantsiiasynyń ólsheý aspaptarynyń (manometrlerdiń) joqtyǵy, retteýshi jabdyq montajdalmaǵany jáne odorizatsiia jabdyǵy qosylmaǵandyǵy. Qazirgi ýaqytta osy faktiler boiynsha "Akniet grupp" JShS-de aǵymdaǵy jyldyń 30 qańtarynda oblystyń ekonomikalyq tergeý departamenti tekserý jumystaryn bastady»,-deidi óńir basshysy.
Birshama qordalanǵan máselelerdiń baryna qaramastan Balqash aýdany birqatar kórsetkishter boiynsha kóshbasshylar qatarynda. Máselen, aýdan úlesine kúrish óndirisiniń 100%-y, jemshóp óndirisiniń 15%-y, asyl tuqymdy iri qara mal basynyń 18%-y, jylqy basynyń 10,4%-y tiesili.
Aita ketý kerek, memleket salany damytýǵa aitarlyqtai qoldaý kórsetedi. Jyl saiyn 30 mlrd.teńgeden astam sýbsidiia bólinedi.
Máselen, ótken jyly Balqash aýdanynyń 506 aýyl sharýashylyǵy taýaryn óndirýshilerine 1,8 mlrd. teńge bólindi.
«2022 jyly aýdan boiynsha 379 sharýashylyqqa 1 362,6 mln. teńgege sýbsidiia tólendi.Aǵymdaǵy jyly aýdanda investitsiialyq salymdar kezinde shyǵyndardyń bir bóligin sýbsidiialaý boiynsha 362 mln.teńgege 106 aýyl sharýashylyq qurylymy ótinim berdi»,-dedi Marat Eleýsizuly.
Óńirdegi jetekshi salanyń kórsetkisheterine sholý jasaǵan oblys ákimi, artynsha jiylǵan qaýymnyń kókeikesti saýaldaryna jaýap berdi.
Jurtty tolǵandyrǵan suraqtar qatary infraqurylym, jańa áleýmettik nysandardyń qurylysy men halyqtyń turmysyn jaqsartýǵa qatysty boldy.
