جامبىل وبلىسىندا ورنالاسقان «مىڭارال بالىق زاۋىتى» بالىق چيپستەرى مەن كوتلەتتەرىن ەكسپورتقا شىعارۋدا دەپ حابارلايدى جامبىل وبلىسى اكىمىنىڭ باسپا ءسوز قىزمەتى.

2014 جىلى ىسكە قوسىلعان كاسىپورىن جىلىنا 1.5 مىڭ توننا بالىق وندىرۋگە قاۋقارلى. قۇنى 600 ميلليون تەڭگەنى قۇرايتىن  ىرگەلى كاسىپورىندا بۇگىنگى كۇنى جەتپىسكە تارتا ادام تىنباي ەڭبەك ەتۋدە. ولاردىڭ باسىم كوپشىلىگى جەرگىلىكتى جەردىڭ تۇرعىندارى.  بىلتىر كاسىپورىن  615،7 توننا بالىق ونىمدەرىن وندىرسە،  2017 جىلدىڭ ەكى ايىندا ون التى ميلليون تەڭگەنىڭ ءونىمىن  ءوندىرىپتى.