ق ر باس مەملەكەتتىك سانيتارلىق دارىگەرىنىڭ 2021 جىلعى 14 شىلدەدەگى قاۋلىسىنا سايكەس، COVID-19 ۆاكسيناسىن الماعان جۇمىسشىلارعا كۇندىزگى رەجيمدە جۇمىس ىستەۋدى شەكتەۋ (تۇراقتى مەديسينالىق قارسى كورسەتكىشتەرى بار جانە سوڭعى ءۇش ايدا COVID-19 جۇقتىرعان ادامداردى قوسپاعاندا) شاراسى ءبىلىم بەرۋ جانە وقىتۋ ۇيىمدارىنىڭ، ونىڭ ىشىندە ءبىلىم بەرۋ-دامىتۋ جانە تۇزەتۋ ورتالىقتارىنىڭ (ەرەسەكتەر مەن بالالارعا ارنالعان)، وقۋ-وندىرىستىك كەشەندەردىڭ جانە باسقا دا مەكتەپتەن تىس ۇيىمداردىڭ قىزمەتكەرلەرىنە قاتىستى دا قولدانىلادى، دەپ حابارلادى دەنساۋلىق ساقتاۋ مينيسترلىگى.
مينيسترلىك بۇل قاۋلىدا مەكتەپكە دەيىنگى مەكەمەلەرگە باراتىن بالالاردىڭ اتا -انالارىنا قاتىستى ۆاكسينالاۋ ماسەلەسى كوتەرىلمەگەنىن اتاپ ءوتتى. بالالار بالاباقشاعا شەكتەۋسىز بارا بەرەدى.
بۇعان دەيىن ساراپشىلار شىعىس قازاقستان وبلىسىندا COVID-19-عا قارسى ۆاكسينا الماعان اتا-انالاردىڭ بالاسىن بالاباقشالارعا قابىلدانۋدان باس تارتۋدا دەگەن جەلىدەگى داقپىرتقا تۇسىنىكتەمە بەرگەن. بۇل اقپاراتتى شىعىس قازاقستان وبلىسى سانيتارلىق -ەپيدەميولوگيالىق باقىلاۋ دەپارتامەنتى دە جوققا شىعاردى.
