Balasyn balabaqshaǵa aparatyndardyń Ashyq-taǵy mártebesi "kók" bolýy qajet
QR Bas memlekettik sanitarlyq dárigeriniń 2021 jylǵy 14 shildedegi qaýlysyna sáikes, COVID-19 vaktsinasyn almaǵan jumysshylarǵa kúndizgi rejimde jumys isteýdi shekteý (turaqty meditsinalyq qarsy kórsetkishteri bar jáne sońǵy úsh aida COVID-19 juqtyrǵan adamdardy qospaǵanda) sharasy bilim berý jáne oqytý uiymdarynyń, onyń ishinde bilim berý-damytý jáne túzetý ortalyqtarynyń (eresekter men balalarǵa arnalǵan), oqý-óndiristik keshenderdiń jáne basqa da mektepten tys uiymdardyń qyzmetkerlerine qatysty da qoldanylady, dep habarlady Densaýlyq saqtaý ministrligi.
Ministrlik bul qaýlyda mektepke deiingi mekemelerge baratyn balalardyń ata -analaryna qatysty vaktsinalaý máselesi kóterilmegenin atap ótti. Balalar balabaqshaǵa shekteýsiz bara beredi.
Buǵan deiin sarapshylar Shyǵys Qazaqstan oblysynda COVID-19-ǵa qarsy vaktsina almaǵan ata-analardyń balasyn balabaqshalarǵa qabyldanýdan bas tartýda degen jelidegi daqpyrtqa túsinikteme bergen. Bul aqparatty Shyǵys Qazaqstan oblysy sanitarlyq -epidemiologiialyq baqylaý departamenti de joqqa shyǵardy.
