جانساقتاۋ بٶلٸمٸندە جاتقان 16 جاستاعى جەتكٸنشەكتٸڭ جاعدايى وڭالىپ, جالپى پالاتاعا اۋىستىرىلعان. ال ارنايى قۇرىلعان شتاب اۋىلدا تٷسٸندٸرۋ جۇمىسىنا قىزۋ كٸرٸسكەن.
كٷلشاش سەرٸكباەۆا ەكٸ كٷننەن بەرٸ اۋرۋحانىڭ الدىن تورىپ جٷر. ۇلى نۇربولدىڭ باسىنا وتا جاسالعاندا ٶزٸن قويارعا جەر تاپپاعان. بەس بالانىڭ كەنجەسٸ مۇنداي تٶبەلەستەرگە وسىعان دەيٸن قاتىسپاعانىن ايتتى. بالانى وسىنداي كٷيگە تٷسكەنشە, تەپكٸلەگەندەردٸ كەشٸرۋگە ەزٸر دايىن ەمەس ەكەنٸن دە
– بالام مۇنداي تٶبەلەسكە قاتىسىپ كٶرگەن ەمەس. ەكٸ جاق بٸر-بٸرٸمٸزبەن تاتۋلاستىق. كەشٸرٸم سۇراپ كەلدٸ. ولارعا ٶكپەم جوق. بٸراق بالام اياعىنان تٸك تۇرىپ, قالپىنا كەلگەنشە مەن ەشكٸمگە كەشٸرٸم بەرمەيمٸن. بالام اياعىنان تۇرسىن. ودان كەيٸنگٸ ەمٸ قالاي بولادى? سونى كٶرەمٸن. باسىنا وتا جاسالىنىپ, پلاستماسس سالىندى. ەم الىپ شىققاننان كەيٸن جاعدايىن باقىلاۋىم كەرەك, – دەدٸ جەبٸرلەنۋشٸنٸڭ اناسى.
10-سىنىپ وقۋشىسى نۇربولدىڭ بەتٸ بٷگٸن بەرٸ قارادى. اق حالاتتىلار سوققىدان ۇيىپ قالعان قاندى باسىن تٸلٸپ شىعارعان. جانساقتاۋ بٶلٸمٸنەن جالپى پالاتاعا اۋىستىرىلۋى جاقىندارىنىڭ كٶڭٸلٸنە مەدەۋ بولدى. دەرٸگەرلەر جاعدايى قالىپتى, جازىلۋعا بەت بۇرعانىن العا تارتۋدا.
– بٷگٸن جالپى تەكسەرٸس بولىپ, جاعدايىنىڭ بٸر قالىپقا كەلگەنٸن ەسكەردٸك. جاراقاتتى ەمدەيتٸن بٶلٸمگە اۋىستىرىلدى. جاعدايى بٸر قالىپتى. ەسٸن انىق بٸلەدٸ. تاماقتى ٶزٸ ٸشٸپ جاتىر. ەڭگٸمەلەسەدٸ. جالپى مۇنداي ناۋقاس كەمٸندە ەكٸ اپتا جاتۋ كەرەك. قانشا دەگەنمەن وتا بولدى. ميى شايقالدى, سوعىلۋ بەلگٸلەرٸ بار. سوندان كەيٸن ٷيٸنە شىعارىلادى. ٷيٸنە شىققان سوڭ قالپىنا كەلتٸرۋ ەمٸ كەزەڭ-كەزەڭٸمەن جٷزەگە اساتىن بولادى, – دەيدٸ پانفيلوۆ اۋدانى اۋرۋحاناسىنىڭ باس دەرٸگەرٸنٸڭ ورىنباسارى ەربولات بەگەمبەكوۆ.
پەنجٸمدەگٸ وقۋشىلار تٶبەلەسٸنەن سوڭ كەشە قۇرىلعان شتابتىڭ جۇمىسى بٷگٸن جانداندى. اۋىلداعى مىڭنان استام بالا وقيتىن جالعىز مەكتەپتە تٷسٸندٸرۋ جۇمىسى قىزۋ جٷرٸپ جاتىر. مۇعالٸمدەر تەرتٸپكە قاتىستى ەڭگٸمەنٸ ساباقتان تىس ۋاقىتتا دا جٷرگٸزەدٸ.
– قازٸر مەكتەپ وقۋشىلارى قالىپتى جاعدايدا ساباق وقىپ جاتىر. سىنىپ جەتەكشٸلەرٸ مەكتەپ پسيحولوگتار بٸرلەسٸپ ەر سىنىپتا تٷسٸندٸرۋ جۇمىستارىن جٷرگٸزۋدە. ساباقتان تىس ۋاقىتتا كەستە قۇرىلعان. كەستەمەن وقۋشىلار شاقىرىلىپ, قوسىمشا جۇمىستار جٷرگٸزٸپ جاتىر. قازٸر وقۋشىلار اراسىندا ونداي كيكٸلجٸڭ جوق. بارلىعى بٸر-بٸرٸنەن كەشٸرٸم سۇرادى. بالالاردىڭ قارىم-قاتىناسى جاقسى, – دەدٸ ا.روزىباكيەۆ اتىنداعى مەكتەپ ديرەكتورىنىڭ ورىنباسارى نەزيرا قالىباەۆا.
ەكٸ كٷن بۇرىن وقۋشىلار اراسىنداعى تٶبەلەستەن سوڭ, جاپپاي تەكەتٸرەس اۋىل جاستارى اراسىندا جالعاسقان بولاتىن. سىنعان تەرەزە, بٷلٸنگەن كٶلٸكتەر بار. وسى وقيعاعا قاتىسى بارلاردىڭ بەرٸ قازٸر ٸزدەستٸرٸلٸپ جاتىر. تەرگەۋ امالدارى باستالىپ كەتكەن. ال اۋىلداعى تەرتٸپتٸ پوليتسييا باقىلاۋدا ەلٸ ۇستاپ وتىر.
