اقتوبە وبلىسىنىڭ شالقار قالاسىندا بالاباقشا قىزمەتكەرلەرى كىشكەنتاي بالالارعا قاتىگەزدىك كورسەتكەن، دەپ حابارلايدى Dalanews.kz.
ZTB تەلەگارام ارناسى اتالعان وقيعانىڭ ۆيدەوسىن جاريالادى.
اتا-انالاردىڭ ايتۋىنشا، بەينەباقىلاۋ كامەرالارىنداعى جازبالاردا تاربيەشى مەن كۇتۋشىنىڭ ءۇش جاستاعى بالالارعا دورەكى قارىم-قاتىناس جاساپ، ولاردى جۇلقىلاپ، قول كوتەرگەنى انىق كورىنەدى.
“وقيعادان كەيىن 12 بالانىڭ اتا-اناسى بىردەن بالاباقشا مەڭگەرۋشىسىنە جانە ءبىلىم بولىمىنە رەسمي تۇردە شاعىم تۇسىرگەن. قازىرگى ۋاقىتتا اتالعان قىزمەتكەرلەر تەكسەرۋ اياقتالعانعا دەيىن جۇمىستان ۋاقىتشا شەتتەتىلدى”، - دەيدى دەرەككوز.
ءبىلىم ءبولىمى بۇل دەرەك بويىنشا تەكسەرۋ باستالعانىن مالىمدەدى. ەگەر فاكتىلەر راستالسا، كىنالىلەرگە قاتىستى ءتيىستى شارالار قولدانىلاتىنى ايتىلدى.
