Ақтөбе облысының Шалқар қаласында балабақша қызметкерлері кішкентай балаларға қатыгездік көрсеткен, деп хабарлайды Dalanews.kz.
ZTB телегарам арнасы аталған оқиғаның видеосын жариялады.
Ата-аналардың айтуынша, бейнебақылау камераларындағы жазбаларда тәрбиеші мен күтушінің үш жастағы балаларға дөрекі қарым-қатынас жасап, оларды жұлқылап, қол көтергені анық көрінеді.
“Оқиғадан кейін 12 баланың ата-анасы бірден балабақша меңгерушісіне және білім бөліміне ресми түрде шағым түсірген. Қазіргі уақытта аталған қызметкерлер тексеру аяқталғанға дейін жұмыстан уақытша шеттетілді”, - дейді дереккөз.
Білім бөлімі бұл дерек бойынша тексеру басталғанын мәлімдеді. Егер фактілер расталса, кінәлілерге қатысты тиісті шаралар қолданылатыны айтылды.
