ارنايى الەۋمەتتىك قىزمەتتى ۇيدە دە، جارتىلاي ستاسيونار جاعدايىندا دا الۋعا بولادى. قازىرگى تاڭدا ورتالىقتا 3 بولىمشە بار. ولار سەرەبرالدى سال اۋرۋى دياگنوزى بار بالالار بولىمشەسى، داۋن دياگنوزى مەن اۋتيزم دياگنوزى بولىمشەلەرى. ورتالىق ءۇشبۇرىش-پيراميدا جۇيەسى بويىنشا جۇمىس ىستەيدى. مۇندا مامان – الەۋمەتتىك قىزمەتكەر-انا.
بالا وڭالتۋعا كەلگەندە، ورتالىقتىڭ ماماندارى بالاعا جەكە دياگنوستيكا جۇرگىزىپ، مەديسينالىق مۋلتيكوماندالىق باعا بەرەدى. سونان سوڭ بالانى ەمدەۋدىڭ جەكە جوسپارىن جاسايدى.
ورتالىقتا پسيحولوگتار، دەفەكتولوگتار، لوگوپەدتەر، رەابيليتولوگتار، ورتوپەدتار، نيەۆروپاتولوگتار، سونداي-اق ەڭبەك تەراپياسى مەن مۋزىكوتەراپيا ماماندارى جۇمىس ىستەيدى.
– بۇگىنگى تاڭدا بىزدە 1040 قىزمەت الۋشى بار. ولاردىڭ 560-ى مۇمكىندىگى شەكتەۋلى بالالار، 480-ى جالعىز باستى قارت ادامدار. وڭالتۋ ۇزاقتىعى 3 ايدى قۇرايدى جانە جىلىنا 4 رەت وتەدى. ءبىزدىڭ نەگىزگى قىزمەتىمىز ارنايى الەۋمەتتىك كومەكتى ۇيدە كورسەتۋ. ءبىزدىڭ الەۋمەتتىك قىزمەتكەر قىزمەت الۋشىعا اپتاسىنا 2 رەت بارادى. ورتالىقتىڭ بالالارمەن بەلسەندى جۇمىستانۋى ناتيجەسىندە 30 - عا جۋىق بالا العاشقى قادامدارىن جاساپ، العاشقى سوزدەرىن ايتتى، – دەدى ديرەكتوردىڭ مىندەتىن اتقارۋشى امانباي ەرداۋلەت.
ورتالىق كۇن سايىن بالالاردى وڭالتۋ بويىنشا ءىس-شارالار وتكىزەدى. "بۇل ورتالىققا 4 جىل بويى كەلۋدەمىز. مەنىڭ نەمەرەم بۇل جەردە باسقا بالالارمەن ارالاسادى، وينايدى. وسى 4 جىل ىشىندە كوپ نارسەنى ۇيرەنىپ ۇلگەردى. ورتالىققا كەلۋگە ءاردايىم اسىق، ۇلكەن قۋانىشپەن كەلەدى. ورتالىق قىزمەتكەرلەرىنە ۇلكەن العىسىمدى بىلدىرەمىن" دەپ ميحايل ەسىمدى بالانىڭ اجەسى سۆەتلانا رومانەنكو ءوز ويىمەن ءبولىستى.
ورتالىق ماماندارى 8 ارنايى الەۋمەتتىك قىزمەت كورسەتەدى. ولار – الەۋمەتتىك-تۇرمىستىق، الەۋمەتتىك-مەديسينالىق، الەۋمەتتىك-پەداگوگيكالىق، الەۋمەتتىك-پسيحولوگيالىق، الەۋمەتتىك-ەڭبەك، الەۋمەتتىك-مادەني، الەۋمەتتىك-قۇقىقتىق، الەۋمەتتىك-ەكونوميكالىق قىزمەتتەر بولىپ جىكتەلەدى.
https://www.youtube.com/watch؟v=FoZOAVKUU9g
