قازاقستان نارىعىندا قىتايلىق سنەكتەردٸڭ تٷر-تٷرٸ كٶبەيٸپ كەلەدٸ. بٷگٸندە مۇنداي ٶنٸمدەر ەلدەگٸ ساۋدا ورىندارىنىڭ باسىم بٶلٸگٸندە ساتىلادى. ولاردىڭ اراسىندا تانىمال برەندتەردٸڭ تاۋارلارى دا, ٶندٸرۋشٸسٸ بەلگٸسٸز ٶنٸمدەر دە بار.
بۇل تاعامداردىڭ قۇرامىندا نە بارى جەنە دەنساۋلىققا قانشالىقتى قاۋٸپسٸز ەكەنٸ جٶنٸندە Qazaq Expert Club تاعام قاۋٸپسٸزدٸگٸ سالاسىنىڭ ساراپشىسى, پروفەسسور لاۋرا اۋتەلەەۆا زەرتتەۋ جٷرگٸزدٸ, دەپ حابارلايدى Dalanews.kz.
ساراپشىنىڭ ايتۋىنشا, س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتٸ جانىنداعى عىلىمي ٷيٸرمە اياسىندا ستۋدەنتتەرمەن بٸرلەسٸپ قىتايدان ەكەلٸنگەن بەس تٷرلٸ سنەككە تالداۋ جاسالعان. زەرتتەۋ بارىسىندا كەيبٸر ٶنٸمدەردە تاڭبالاۋ مٷلدە بولماعانى انىقتالعان. بۇل ٶنٸم اينالىمىنا قويىلاتىن تالاپتاردىڭ بۇزىلعانىن كٶرسەتەدٸ.
العاشقى كەزەڭدە ماماندار ٶنٸمدەردٸڭ قۇرامىن سارالاعان. نەتيجەسٸندە بارلىق ٷلگٸدەن دەم كٷشەيتكٸشتەر (E621, E635), تەتتٸلەندٸرگٸشتەر (E952, E955), سونداي-اق سينتەتيكالىق بوياعىشتار (E102, E110 جەنە ٶزگە دە قوسپالار) تابىلعان.
“اتالعان قوسپالاردىڭ كٶبٸ قولدانۋعا رۇقسات ەتٸلگەنٸمەن, ولاردى جيٸ تۇتىنۋ اسقازان-ٸشەك جولدارىنا كەرٸ ەسەر ەتٸپ, اللەرگييالىق رەاكتسييا تۋعىزۋى جەنە ٸشەك ميكروفلوراسىنا زييان كەلتٸرۋٸ مٷمكٸن”, – دەيدٸ ساراپشى.
ول ەسٸرەسە تسيكلامات (E952) اتتى تەتتٸلەندٸرگٸشكە نازار اۋداردى. بۇل قوسپا اقش-تا پايدالانۋعا تىيىم سالىنعان, ال ەۋروپانىڭ بٸرقاتار ەلٸندە تەك شەكتەۋلٸ مٶلشەردە قولدانۋعا رۇقسات ەتٸلەدٸ.
“بۇل زاتتىڭ ادام اعزاسىنا كەرٸ ەسەرٸ بولۋى مٷمكٸن دەگەن عىلىمي بولجامدار بار. ونىڭ كانتسەروگەندٸك قاسيەتٸ جانۋارلارعا جاسالعان تەجٸريبەلەردە بايقالعان”, – دەپ اتاپ ٶتتٸ پروفەسسور.
بۇدان بٶلەك, كەيبٸر ٶنٸمدەردەن جانۋار مايى انىقتالعان. ماماندار مۇنداي مايدى تۇراقتى تۇتىنۋ اعزاداعى حولەستەرين دەڭگەيٸن ارتتىرۋى ىقتيمال ەكەنٸن ايتادى.
ٶنٸمدەردٸڭ ىقتيمال ۋىتتىلىعىن باعالاۋ ٷشٸن زەرتتەۋشٸلەر گۋپپي بالىقتارىنا بيوتەست جٷرگٸزگەن. بۇل – زيياندى زاتتاردىڭ قاۋٸپتٸ كونتسەنتراتسيياسىن انىقتاۋعا مٷمكٸندٸك بەرەتٸن جەدەل ەدٸس.
“زەرتتەۋ نەتيجەسٸندە 24–48 ساعات ٸشٸندە تەجٸريبەگە الىنعان بالىقتاردىڭ 40 پايىزعا دەيٸنٸ قىرىلدى. بۇل زەرتتەلگەن ٶنٸمدەردە ورتاشا دەڭگەيدەگٸ ۋىتتىلىق بار ەكەنٸن كٶرسەتتٸ”, – دەدٸ لاۋرا اۋتەلەەۆا.
سونىمەن قاتار مامان بۇل قورىتىندىلاردىڭ ەزٸرگە الدىن الا نەتيجە ەكەنٸن اتاپ ٶتتٸ. ونىڭ ايتۋىنشا, ناقتى رەتتەۋشٸ شارالار قابىلداۋ ٷشٸن قوسىمشا زەرتتەۋلەر جٷرگٸزٸلٸپ, ۇزاق مەرزٸمدٸ دەرەكتەر جينالۋى قاجەت.
لاۋرا اۋتەلەەۆانىڭ پٸكٸرٸنشە, قازٸرگٸ تاڭدا ەڭ ماڭىزدىسى – تۇتىنۋشىلاردى اقپاراتتاندىرۋ. ٶيتكەنٸ قاۋٸپ سنەكتەردەن عانا ەمەس, تاڭبالاۋسىز ساتىلاتىن ٶزگە ٶنٸمدەردەن دە, ەسٸرەسە بالالارعا ارنالعان تاۋارلاردان تۋىنداۋى مٷمكٸن.
“مۇنداي سنەكتەردٸڭ قۇرامى بالالار دەنساۋلىعىنا قاۋٸپ تٶندٸرۋٸ ىقتيمال. سوندىقتان زاڭسىز ەكەلٸنگەن, سەرتيفيكاتتالماعان, ٶندٸرۋشٸسٸ كٶرسەتٸلمەگەن جەنە قۇرامى قازاق جەنە ورىس تٸلدەرٸندە جازىلماعان ٶنٸمدەردٸ ساتىپ الماۋعا شاقىرامىن”, – دەپ تٷيٸندەدٸ ساراپشى.
