بالالار مەديتسيناسىنا بٶلٸنەتٸن قارجى كٶلەمٸ 585 ملرد تەڭگەگە دەيٸن ٶستٸ. بۇل تۋرالى ٷكٸمەت باسشىسىنىڭ باسپاسٶز قىزمەتٸ مەلٸم ەتتٸ, دەپ حابارلايدى dalanews.kz.
رەسمي مەلٸمەتكە سەيكەس, جىل سايىن تۋا بٸتكەن دامۋ اقاۋى بار شامامەن 1,5 مىڭ نەرەستەگە جەنە جٷرەك اقاۋى انىقتالعان 2 مىڭعا جۋىق بالاعا وتا جاسالادى. سونداي-اق وپەراتسييادان كەيٸنگٸ نەرەستەلەردٸڭ ٶمٸر سٷرۋ كٶرسەتكٸشٸ 88%-دان 93%-عا دەيٸن ارتقان.
سوڭعى جىلدارى بالالارعا كٶرسەتٸلەتٸن مەديتسينالىق كٶمەكتٸ قارجىلاندىرۋ كٶلەمٸ ەكٸ ەسەدەن استام ۇلعايىپ, 585 ملرد تەڭگەگە جەتكەن. بۇدان بٶلەك, تەگٸن دەرٸ-دەرمەكپەن قامتىلاتىن ازاماتتار سانى 1,9 ميلليوننان 3,4 ميلليون ادامعا دەيٸن كٶبەيگەن.
تەۋەلسٸزدٸك جىلدارىنان بەرٸ انا ٶلٸمٸ 6 ەسە ازايسا, نەرەستە ٶلٸمٸ 7,5 ەسە تٶمەندەگەن.
قازٸرگٸ ۋاقىتتا قازاقستاندا بالالارعا مەديتسينالىق كٶمەك كٶرسەتۋدٸڭ كٶپدەڭگەيلٸ جٷيەسٸ جۇمىس ٸستەيدٸ. سونىمەن قاتار, ەلدە 81 مەديتسينالىق وڭالتۋ ورتالىعىنىڭ جەلٸسٸ دامىپ كەلەدٸ. بۇدان بٶلەك, 273 قالالىق جەنە 152 اۋىلدىق ەيەلدەر كونسۋلتاتسيياسى, سونداي-اق وبلىستىق پەريناتالدىق ورتالىقتار جانىنداعى 24 كونسۋلتاتسييا قىزمەت كٶرسەتەدٸ.
