كەزدەسۋدە «TiJi» تەلەارناسىنىڭ قازاق تىلىندەگى تانىمال مۋلتفيلمدەردىڭ اۋديوجىلىگىنىڭ رەسمي تۇساۋكەسەرى ءوتتى. بۇل جوبانىڭ جۇزەگە اسىرىلۋىنا 2021 جىلى ايدا بالايەۆا باستاماشىلىق ەتكەن بولاتىن.
اسقار وماروۆ مەملەكەت باسشىسى قاسىم-جومارت توقايەۆتىڭ 2022 جىلدى «بالالار جىلى» دەپ جاريالاعانىن اتاپ ءوتىپ:
– قازىرگى اقپاراتتىق عاسىردا بالالاردىڭ قارىم-قاتىناس ورتاسىن قالىپتاستىرۋدا مۋلتفيلمدەردىڭ ىقپالى زور. وسىعان بايلانىستى مينيسترلىك الەمگە تانىمال مۋلتيپليكاسيالىق بالالار ارنالارىن قازاق تىلىنە اۋدارۋ بويىنشا اۋقىمدى جوبانى ىسكە اسىرۋدا. بۇل بالالاردىڭ مەملەكەتتىك تىلگە دەگەن قىزىعۋشىلىعىن ارتتىرۋعا، سونداي-اق وسكەلەڭ ۇرپاقتى تاربيەلەۋگە سەپتىگىن تيگىزەتىنىنە سەنىمدىمىن، – دەدى مينيستر.
كەزدەسۋ بارىسىندا جۋرناليستەردىڭ بىلىكتىلىگىن ارتتىرۋ، انيماسيا ءوندىرىسى جانە مينيسترلىك جەتەكشىلىك ەتەتىن باسقا دا سالالار بويىنشا ەكىجاقتى ىنتىماقتاستىقتى دامىتۋ پەرسپەكتيۆالارى تالقىلاندى.
ايتا كەتۋ كەرەك، بالالار تەليەۆيزيالىق كونتەنتىن وندىرۋشىلەردى تاڭداۋ كەزىندە بالالار تەلەارنالارىنىڭ وسىنداي جوبالاردى ىسكە اسىرۋداعى تاجىريبەسى جانە حابار تاراتۋ تىلدەرىنىڭ سانى ەسكەرىلدى. ماسەلەن، «TiJi» ارناسىنىڭ 20 ەلدە 14 ءتۇرلى تىلدە حابار تاراتۋ تاجىريبەسى بار. تەلەارنانىڭ نەگىزگى ميسسياسى - 2 جاستان 7 جاسقا دەيىنگى بالالار ءۇشىن ءقاۋىپسىز اقپاراتتىق كەڭىستىكتى قامتاماسىز ەتۋ.
– قازاق ءتىلى وتە باي ءتىل؛ جانە ونى ناسيحاتتاۋ ماقساتىندا قازاقستاندىق بالالار ءۇشىن ارنا قۇرۋعا جانە قازاق بالالارىنا ولاردىڭ مەملەكەتتىك ءتىلىنىڭ دامۋىنا ىقپال ەتەتىن ويىن-ساۋىق جانە ءبىلىم بەرۋ كونتەنتىن قالىپتاستىرۋ بويىنشا بىرلەسكەن بۇل جوبا - ءبىزدى وسىناۋ يگى ىسكە ىنتالاندىردى، – دەپ اتاپ ءوتتى جان-رەنە وكۋتيۋرە.
بۇگىنگى تاڭدا قازاق تىلىندەگى «TiJi» اۋديوجولاعى تومەندەگى وپەراتورلاردا قولجەتىمدى: الما تۆ، TV Commerce، قازاقتەلەكوم، فەرماتا پرك، قاينار مەديا (تالدىقورعان ق.)، تەرالاين (نۇر-سۇلتان ق.)، تتك (تەمىرتاۋ ق.).
